Produkzio Zuzendaritzako Masterraren edizio berria jarri du abian Mondragon Unibertsitateak

Mondragon Unibertsitateko Produkzio Zuzendaritzako Masterrak eta Bilboko Merkataritza Ganbarak industria-kudeaketaren ikuspegi integrala eskaintzen dute, gero eta zorrotzagoa eta lehiakorragoa den enpresa-testuinguruan. Programan zehar, parte-hartzaileek funtsezko alderdiak lantzen dituzte, hala nola ekoizpen-estrategia, hornidura-katearen kudeaketa, kalitate-ingeniaritza edo industria-eraldaketako proiektuen zuzendaritza.

Prozesuak optimizatzen, kostuak murrizten eta kalitatea eta entrega-epeak hobetzen ikasten dute bereziki ikasleek, beti ere industria-erakundeetan

Gainera, ikasleek prozesuak optimizatzen, kostuak murrizten eta kalitatea eta entrega-epeak hobetzen ikasten dute industria-erakundeetan.

Profesionalei zuzendutako programa

Produkzio Zuzendaritzako Masterra, batez ere, operazioen kudeaketan karrera garatu eta produkzio-zuzendaritzan gaitasunak hobetu nahi dituzten industria-arloko profesionalei zuzenduta dago.

Prestakuntzak eduki teknikoak eta enpresaren ikuspegi estrategikoa konbinatzen ditu, eta ikaslearen enpresan hobekuntza txikiak ezartzearekin osatzen da. Programak honako hauek biltzen ditu: kasu errealen azterketak, role playing ariketak, simulazioak, modulu bakoitza amaitzean enpresan bertan hobekuntza-ezarpenak, proiektu pertsonal bat egitea, etab.