Webgune berritua estreinatu du Arizmendi Ikastolak

Otsailaren erdialdean webgune berritua aurkeztu du Arizmendi Ikastolak. Itxura berritua ez ezik, edukien antolaketan ere berritasunak ditu webguneak. "Webgunea bizia izango da, uneoro elikatuko baita Ikastolako bizitza erakusten duten albisteez", adierazi dute ikastolako arduradunek.

Hain zuzen ere, webgunearen eraberritze fasean, erabiltzeko errazagoa izango litzatekeen euskarria sortzeko helburuz jardun dute. "Gaurko testuinguruan, informazioa modu zuzenean, errazean eta bisualean eskaini behar zaio hartzaileari. Irizpide horiek oso aintzat izan dira”, adierazi dute. Hori horrela, irudiek, argazki zein bideoek, protagonismo berezia dute diseinuan. Eta, era berean, testu labur eta zuzenen bidez eskaini da informazioa.