Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Dozena bat kooperatiba Mondragon Unibertsitatearen Kooperatibagintzako Aditu Kurtsoaren edizio berrian
Hasi da Mondragon Unibertsitateko LANKI Kooperatibismoaren Ikertegiak eta MONDRAGON Taldeko Otalora trebakuntza-zentroak antolatzen duten Kooperatibagintzako Aditu Tituluaren beste edizio bat. Aurtengoa 16. edizioa da, eta guztira 12 kooperatibatako 19 ordezkarik egingo dute. Zehazkiago, hauek dira kooperatibak: Ausolan, Copreci, Fagor Asembly, Fagor Ederlan, Fagor Electrónika, Fagor Industrial, Maier, RPK, UHS, Ulma CyS eta Ulma Packaging. Saioak Humanitate eta Hezkuntza Zientzien Fakultatean egingo dira, Eskoriatzako campusean.
Martxan jarri zenetik, 40 kooperatibatako 300 ordezkarik baino gehiagok hartu dute parte hartan
Kooperatibismoaren gizarte- eta enpresa-proiektua bultzatzen duten prozesuak sustatzea du helburu ikastaroak. Hori dela eta, parte-hartzaileek ezagutza teorikoak eta praktikoak jasoko dituzte kooperatibaren errealitatea ulertu eta aztertzeko. Gainera, elkarri esperientzien berri emanez, beste kooperatiba batzuen esperientziak ezagutu eta horiei buruz hausnartzeko aukera izango dute.
Mondragon Unibertsitateko Kooperatibagintzako Aditu Titulua erreferentziazko ikastaroa da kooperatibisten prestakuntzari dagokionez. Martxan jarri zenetik, 40 kooperatibatako 300 ordezkarik baino gehiagok hartu dute parte hartan.