TUlankide MONDRAGON

ULMA Handling Systems hizkuntza portaeretan eragiten

2019/09/24

ULMA Handling Systems kooperatibaren praktika ezagutu ahal izan zen irailaren 18an eginiko Euskara Foroan, Otaloran.
ULMA Handling Systems hizkuntza portaeretan eragiten
Forora gerturatu ziren 17 kooperatibek hizpide izan zuten hizkuntza portaeretan eragiteko ULMA Handling Systems garatzen ari den egitasmoa.

Euskara eragileak sortzea edo aktibatzea da euskararen normaltasun egoerara iristeko Korporazioko euskara organoek (Mahai Teknikoak eta Batzordeak) planteatutako estrategietako bat.  

Leire Egaña, Oihane Etxebarria eta Oier Araiztegi ULMA Handling Systems kooperatibako kideek eta Naroa Olalde EMUNeko aholkulariak azaldu zuten hiztunen portaeretan eragiteko 2016tik martxan duten dinamika.

2016 hasieran, urteko Gestio Plana osatzen hastean, ordura arte egindako ibilbidea berrikusi beharra mahaigaineratu zen. Horretarako, EMUNeko Hizkuntza Portaeren Eragiteko Barne Proiektuan landutakoa baliagarri izan zitekeela pentsatuta  proba pilotua abiatu zuten.  

2016ko udaberrian Hizporal izeneko galdetegia pasatu zuten, hizkuntza portaeren inguruan ULMA Handling Systemseko lankideek duten iritzia ezagutzeko; 65 galdera guztira, hainbat eremu aztergai hartuta: balio erantsiaren pertzepzioa, aldaketarako konpromisoa, hizkuntza kontzientzia eta koherentzia, jarrerak, hizkuntza atxikimendua, motibazioa, mundu sinbolikoa, pertsonen balioak, etab… Gero, diagnostikoaren emaitzak oinarri, lankideen hizkuntza portaeretan eragiteko esku-hartzeari ekin zioten. Ordutik gaur egunera arte egindakoa ondoren pausoetan sinplifikatu daiteke: 

  • Norbanako mailan, norbanakoak duen kokapenaren arabera, hainbat helburu lantzen ari dira: urratzaileak elkartu, autozentratu eta trebatu, portaera eragozleak desaktibatu, pentsamendu mugatzaileak gainditu…
  • Taldean izango denez gure hizkuntza portaera, talde mailan ere eragin nahian dabiltza sailetan eta kontseilutxoetan: gaia esplizitatu, helburu batzuk jarri…
  • Erakunde mailan ULMA Taldeko politikan oinarrituta negozioko prozedurak lantzen, onartzen eta aplikatzen ari dira. Aurreko bi guneetan gauzatzen ari diren aldaketak legitimatzeko.

Leire, Oihane eta Oierrek azaldu bezala, arrakastarako gako nagusia saretzea eta kooperatibako organo nagusien (lehendakaria eta zuzendari nagusia) inplikazioa izan dira.  Euskara Batzordeaz gain, urratzaileen taldea eta hizkuntza politikako lantaldea osatu dira eta bakoitza, bere arloan eta elkarlanean, hiztunon hizkuntza portaeretan eragiten dabiltza; finean, ULMA Handlingen euskarari espazio berriak ematen. 

Praktika ezagutu ondoren, eragileak aktibatzeko orduan izaten diren kezkak eta erronkak partekatzeko aukera izan zuten Foroko partaideek.

 

Eguraldia
Ostirala 13 Min: 10
Max: 16
Larunbata 14 Min: 8
Max: 16
Igandea 15 Min: 10
Max: 16
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak