TUlankide MONDRAGON

Tupper osasungarriaren bigarren lehiaketa

2018/10/08

Osarten prebentzio zerbitzu mankomunatuak, tupper osasungarrien bigarren lehiaketa antolatu du. Horrela, mugatua den arren, tupperra modu osasungarrian elikatzeko aukera dela erakutsi nahi du.
Tupper osasungarriaren bigarren lehiaketa

MONDRAGON Korporazioko enpresetako eta Osarten Prebentzio Zerbitzu mankomunatuko bazkide diren enpresetako edozein langilek parte hartu ahal izango du, bai eta langileen senideek edo lagunek ere.

Prozedura

Lehiaketan parte hartzeko “Tupper Osasungarria lehiaketarako errezeta” izeneko fitxa bete eta helbidera bidali behar da. Eta nahi izanez gero, bideo bat ere egin daiteke, gehienez bi minutuko iraupenaz.

Baloratzeko eta puntuatzeko irizpideak

Baloraziorako epaimahaiak hau hartuko du kontuan:

1.1. Aurkezpena · Sormena eta errezetaren originaltasuna, bai eta aurkezteko iradokizuna ere; aurkeztutako argazkiak eta bideoak; errezetaren idazkera.

1.2. Prestatzeko modua · Egiteko erraztasuna, sukaldaritza teknika osasungarriak eta elikagaien segurtasuna: garraioa, kontserbazioa, berotzea… 

1.3. Errezetaren egokitasuna · Erabilitako elikagai taldeak: barazkiak, ortuariak eta frutak,  zerealak (hobe osoak), tuberkuluak edo lekaleak, elikagai proteinadunak, koipe osasungarriak, elikagai taldeen proportzioa, sasoiko eta hurbileko produktuen erabilera.

Epaimahaia

Errezetak ebaluatzeaz eta errezeta irabazleak erabakitzeaz arduratuko den epaimahaia sukaldaritzan, elikaduran eta osasunean aditu diren hiru pertsona hauek osatuta egongo da

Epea:

Urriaren 31an amaituko da parte hartzeko epea.

Sariak:

Hiru balorazio irizpideetan lortutako puntuazioak batuz emaitzarik altuena lortzen duenari sari bat emango zaio. Saria afari bat izango da, bi pertsonarentzat, Arzak jatetxean. Gainera, beste hiru sari gehiago emango dira (150 eurokoa bakoitza). Balorazio irizpide bakoitzeko bana: aurkezpen hoberenagatik, prestatzeko moduagatik, eta erabilitako osagaiengatik.

Sarien banaketa

Epaimahaia erabakia hartu ondoren, Osarten lehiaketako irabazleekin jarriko da harremanetan. Sariak azaroaren 29an banatuko dira, 18.30etan, Donostiako Kursaalean, non elikadura osasungarriari buruzko jardunaldi bat egingo den epaimahaiko kideen partaidetzarekin.

Informazio gehiago: https://www.osarten.com/tupper_osasungarria.pdf 

 

Eguraldia
Astelehena 22 Min: 16
Max: 37
Asteartea 23 Min: 19
Max: 41
Asteazkena 24 Min: 17
Max: 38
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak