Makina erreminta
Irakurriena
- 1. Dikar-ek Ternua erosi du, kooperatibaren hazkundea bultzatzeko eta marka Euskal Herrian errotzen dela bermatzeko
- 2. Kidek 50. urteurrena ospatu du
- 3. Kooperatibak eta ekonomia soziala: gertutik eraldatzen
- 4. Eusko Jaurlaritzak eta Konfekoopek euskal industria-kooperatibismoarekin kontrastatu dute Euskadi 2030 Industria Plana
- 5. Arizmendi Ikastola, Mondragon Mexiko Unibertsitatean
- 6. Fagor Taldeak Tokixan egitasmoa babestuko du, elikadura burujabetzan sakontzeko
The New Yorker aldizkariak MONDRAGON bisitatu du
Kasu honetan Nick Romeo izan da, The New Yorker aldizkari estatubatuar ezagunaren kazetaria. Apirilaren 24an iritsi zen Arrasatera, Esperientzia Kooperatiboari buruzko erreportaje bat egiteko asmoz. Nick Romeok hainbat kooperatibatan egin du bisita aste osoan —hala nola Danobat, Ikerlan, Soraluce, Mondragon Assembly, LagunAro, Mondragon Unibertsitatea, Fagor Automation edo Arizmendi Ikastola—, eta elkarrizketa ugari egin ditu MONDRAGON kooperatiba-eredua eta haren etorkizuneko erronkak hobeto ezagutzeko.
Gainera, Maria Ubarretxena Arrasateko alkatea, José Antonio Altuna (JMA enpresaren sortzailea), Fred Freundlich Mondragon Unibertsitateko irakaslea eta Iñigo Ucin MONDRAGON Kontseilu Nagusiko lehendakaria ere elkarrizketatu ditu.
Bisita horren ondoren, erreportaje bat argitaratuko da The New Yorker aldizkarian. Gainera, ekonomia bidezkoago eta iraunkorrago bati buruz idazten ari den liburuan MONDRAGONi kapitulu berezi bat eskainiko zaio.
Argazkian, Nick Romeo Osintxuko Soraluce lantegira egin duen bisitan, Rafael Idigoras kooperatibaren zuzendariarekin. Soralucek fabrikatutako lehen produktuaren ondoan.
Makina erreminta
Albiste erlazionatuak
