Irakurriena
- 1. Eroskiko Kontseilu Errektoreak bonuen jaulkipen bat onartzeko eskatuko dio Batzar Nagusiari
- 2. MONDRAGON Healthek osasunaren merkatuan duen presentzia indartu du
- 3. Fagor Automation, Soraluce eta Danobat Hannoverreko EMO 2023 azokan
- 4. Mondragon Unibertsitateak eta LABORAL Kutxak talentua erakartzeko hitzarmena sinatu dute
- 5. Urriaren 22an egingo dute Mundukideren VIII. lasterketa solidarioa
- 6. "Talentua, berrikuntza eta ekintzailetza dira Mondragon Unibertsitatearen bereizgarriak"
- 7. Hamaika gaztek beren bizitzako abentura biziko dute
- 8. Aldaketa Stirling Zentroan eta Osagaien Dibisioko Berrikuntza zuzendaritzan
- 9. Mondragon Unibertsitateak 14 titulu berri eskainiko ditu hainbat jakintza-arlotan
- 10. IDEKOk piezak mekanizatu bitartean bibrazioak murrizteko teknologia berriak aurkeztu ditu Dublinen
Standard & Poor’s agentziak Laboral Kutxaren kapitalaren "kalitate handia" azpimarratu du

S&P-k aurreikusten duenez, Laboral Kutxak bere indarrari eutsiko dio, bere arriskuaren eta kapitalaren profilak direla-eta, eta ohiko ikuspegi zuhurrari eutsiko dio sektorearen barruan.
Standard & Poor´s (S&P) kalifikazio-agentziak BBB- inbertsio-mailako ratinga ezarri dio Laboral Kutxari epe luzera, eta A-3 mailakoa epe laburrera. Kreditu-entitateak bere finantza-konpromisoak betetzeko gaitasun egokia duela adierazten du rating horrek. Etorkizunari begira, berriz, aurreikuspen egonkorrak omen ditu.
S&P-k euskal kreditu-kooperatibaren kapitalizazio eta arrisku-profil egokiak azpimarratu ditu bere balorazioan. Ezarritako ratinga azaltzeko emandako arrazoien artean, AEBko agentziaren txostenak arriskuaren kostua eta aktiboen kalitatea nabarmendu ditu, “batez bestekoak baino hobeak baitira”, baita higiezinen sektorearekiko esposizio mugatua ere, 2015aren amaieran mailegu-zorro osoaren % 3koa besterik ez baitzen. Analisiak berankortasun-mailaren jaitsiera aurreikusten du, hain zuzen ere 2015eko % 7,2tik datorren urteko % 5,4ra.
Bestalde, entitateak lotura estuak ditu bere inguruneko komunitatearekin; zentzu horretan, kooperatiba izateak sendotu egiten ditu lotura horiek eta egonkortasuna ematen die.
Era berean, Laboral Kutxaren kapitalaren “kalitate handia” nabarmendu du Kaliforniako agentziak; izan ere, kapital arruntaz osatuta dago erabat. Atal horretan, entitatea ondo kapitalizatuta dagoela eta etorkizun hurbilean are hobeto egongo dela uste du, bere mozkinen atxikipen politikari esker.