Shaking HUB LIVE berria: industria-inguruneetan zibersegurtasunari buruzko solasaldi teknikoa

Uztailaren 16an, 11:00etan, Shaking HUBek zuzeneko saio berria eskainiko du LinkedInen bitartez, industria konektatuaren erronka nagusietako bati buruz: industria-inguruneetan zibererresilientzia nola bermatu.

Oraingoan, bi aditu hauek parte hartuko dute:

• Hugo Llanos Burguera, Secure&ITeko industria arloko zibersegurtasuneko zuzendaria, OT inguruneek (eragiketa-teknologiak) gaur egun aurre egin behar dieten arriskuei eta aplikatu beharreko araudiei buruz arituko da. Bere hizketaldian, azpiegitura industrial sendo eta erresilienteagoak eraikitzeko gakoak partekatuko ditu.
• Juanjo Rodríguez, LKS Nexteko berrikuntzako arduraduna, Lamassu IoT soluzioa aurkeztuko du; gailu industrial konektatuen ziberbabesa bere diseinutik hasita bermatzeko garatu duten tresna. Aurreikuspena, monitorizazio jarraitua eta zibersegurtasuna produktuen bizitza-zikloan integratzea izango ditu ardatz.

Saioa Judit Ruiz de Munainek, Mlakoop kooperatibako kideak, moderatuko du. Parte-hartzaileek aukera izango dute ikuspegi osagarriak ezagutzeko eta benetako estrategiak eta tresna praktikoak entzuteko, industria-ingurune seguruagoak eraikitzeko bidean.

Saioa LinkedIn bidez zuzenean jarraitu ahal izango da, eta batez ere industria, teknologia eta zibersegurtasun arloko profesionalentzat eta ikasleentzat zuzenduta dago.

Eman izena zuzenekoan hemen: https://loom.ly/Oc9rO4Q