Serveo eta MONDRAGON Health-en arteko akordioa, gizarte- eta osasun-zerbitzuetako proiektuetan lider izateko

Aldi baterako medikuntza materialen fabrikazioa

Adinekoentzako eta menpekotasuna duten pertsonentzako zerbitzuak eta produktuak.

Fastening Solutions, Plastics eta Sarbide Automatikoak

Osasun eta ongizatean espezialistak.

Zaharrei zuzendutako gizarte eta osasun zerbitzuen kudeaketa integrala

Lan arriskuen prebentziorako zerbitzu komuna

Akordioak indartu egiten du bi enpresek Euskal Herrian duten posizionamendua. Sinatu den aliantzak bi konpainien gaitasun teknologikoak eta esperientzia batzen lagunduko du.

Card image cap — Ezkerretik eskuinera: Miguel Prieto, Serveoko Iparraldeko eskualde-zuzendaria; Hector Olabegogeaskoetxea, MONDRAGON Health-eko zuzendari nagusia; eta Alfonso Delgado, Serveok Kantabrian, Asturiasen eta Euskadin duen ordezkaria.

2023/12/18

Serveok eta MONDRAGONek lankidetza-hitzarmena sinatu dute, osasunaren eremura eta arlo soziosanitariora bideratutako proiektuak garatzeko. Aliantza horri esker, osasunaren arloan lan egiten duten korporazioko kooperatibek Euskadin dituzten gaitasun teknologikoak eta posizionamendua batu ahal izango dira, Serveok osasun-arloko eta gizarte-zerbitzuetako proiektu konplexuen kudeaketan duen esperientziarekin.

Hala, aliantzak osasun-arloko gaitasunak eta lankidetza-sarea indartu nahi ditu, eta, horri esker, bi enpresek teknologiaren aplikazioan oinarritutako proiektu berritzaileak sustatzen jarraituko dute.

Hitzarmenak diziplina anitzeko ikuspegia du, bi enpresek alor horretan dituzten sinergiak eta ezagutza bultzatzen dituena.

Ildo horretatik, proiektu bateratuak garatuko dituzte hainbat eremutan: telelaguntza zerbitzuetan; telemedikuntza edo e-Health zerbitzuetan; errealitate birtualarekin lotutakoetan; eta, oro har, ekipamendu elektromedikoa eta ospitalekoa mantendu eta zaintzearekin lotutakoetan.

Serveori buruz

Serveok 30 urtetik gorako esperientzia du bezeroen eta gizartearen hazkundea eta garapena bultzatzen duten zeharkako zerbitzu eraginkor eta jasangarrietan. Batez ere osasunean, industrian, energian eta facility management deiturikoan. 25.000 langile baino gehiago ditu, eta presentzia egonkorra du Espainia osoan. Horri esker, inpaktu eta konplexutasun handiko proiektuak kudea ditzake.

MONDRAGON Health-i buruz

Korporazioko zazpi kooperatibaren soluzioak eta zerbitzuak biltzen ditu MONDRAGONHealth-ek, osasunaren arloan eta arlo soziosanitarioan eta bioteknologikoan aukerak ugaritzeko.

Bexen Cardio, Bexen Medical, Bihar Homecare, Erreka, Fagor Healthcare, GSR eta Osarten kooperatibek sortu dute aliantza, elkarren arteko lankidetzaren bitartez zerbitzuaren balio erantsia areagotzeko helburuz; elkarren arteko lankidetza horren barruan, osagaien ekoizpena zein zerbitzu eta soluzioen eskaintza sartzen dira. 2.000 laguni baino gehiagori lana ematen dion aliantza.