Jon Etxeberriak, Ikerlaneko zuzendari nagusiak, eskerrak eman dizkie erakundeei, "beste zentro teknologiko askorentzat eredu izan den proiektu sozio-enpresarial bakar hau sortzeko etengabeko laguntza emateagatik"
Irakurriena
- 1. Agur, Jose Luis Olasolo!
- 2. Kooperatibetan berrikuntza indartuko du MONDRAGONek Zorrozaurreko proiektuarekin
- 3. Historia bizia omendu du Soralucek jubilatuei eskerrak emanez
- 4. Euskararekin duen konpromisoa berretsi du Kidek plan estrategiko berriarekin
- 5. Cikautxo eta Fagor Ederlan, klima-kudeaketan munduko enpresa liderren artean
- 6. Ondoan eta LKS Next enpresek Legoan garatu dute, Adimen Artifizial Sortzailea arauen zaintzaren zerbitzura bideratuz
50 urteko ibilbidea erakusketa ikusgarrian

Bizitek da Ikerlanen historia eta lorpenak balioan jartzen dituen eta bisitaria teknologia bizitzera gonbidatzen duen erakusketaren izena eta azaroaren 13ra arte egongo da ikusgai, Arrasateko Kulturaten. Inaugurazio ekitaldian Eusko Jaurlaritzako lehendakariak, Gipuzkoako Foru Aldundiko ordezkariak, Arrasateko Udalekoak eta MONDRAGON Korporazioko presidenteak ere parte hartu dute. Lehendakariak Ikerlan zoriondu du bere ibilbide luze eta emankorragatik, eta euskal industriaren lehiakortasuna hobetzeko duen zeregin garrantzitsua eskertu du: "Aitzindariak izan zineten eta, gaur, etorkizunera begira jarraitzen duzuela egiaztatu ahal izan dugu. Ez da batere erraza 50 urtez lehiakorrak izaten eta industriari irtenbideak etengabe eskaintzen jarraitzea". Era berean, euskal industrian duen eragina nabarmendu du: "Zuen lanak zuzeneko translazioa du gure enpresa- eta industria-sarean. Eragin horrek lehiakorragoak, hobeak, izatera garamatza".