TUlankide MONDRAGON

Otalora: 35 urte kooperatiben zerbitzura

2019/07/11

Zuzendaritza eta kooperatibagintzako prestakuntza zentroak 35 urte bete ditu, isntalazioak berrituta eta kooperatibentzat erabat egokitutako prestakuntza eta zerbitzuen eskaintzarekin.

Zuzendariak prestatzeko eta kultura kooperatiboa hedatzeko zentro bat izateko hasierako asmoarekin, Otalora prestakuntza zentroa Ikasbide izenarekin bataiatu zen, eta 1985eko urtarrilean ireki zituen ateak.

Harrezkero, bere ikasgeletatik 3.500 zuzendari eta organo sozialetako 3.600 kide baino gehiago igaro dira, eta mundu osoko 75.000 pertsona ere aritu dira, Esperientzia Kooperatiboa in situ ezagutzeko.

Etapa berria

Orain, Otalorak etapa berri bati ekingo dio, instalazioak berrituta eta kooperatibentzat egokitutako garapen eta zerbitzuen eskaintzarekin. Horregatik, ohartuta gaur egun pertsonen talentua dela elementu ukiezinik preziatuena, eta esperientziak trukatzea oso praktika ona dela erakundeak hobetzeko, prestakuntza zentroak, bere garapen eskaintza eguneratu du, eta hainbat aggiornamiento erreforma egin ditu bere instalazioetan.

Finean, helburua da konpetentzia profesionalak eguneratzeko tresna bat izatea, eta kooperatibetako kideentzako topagunea.

Zer eskaintzen dizu Otalorak?

Garapen eskaintza zabala (Kultura eta zuzendarien garapena eta heziketa kooperatiboa)

Hedapen kooperatiboa, gure Esperientzia sozioenpresarialari buruz.

Ekitaldi instituzionalak, foroak eta bestelako bilerak egiteko espazio berrituak.

Lanerako gune egokia, paisaia ederrean kokatuta.

Jatetxea, menu ezberdinak aukeran.

 

Informazio gehiago: otalora@mondragoncorporation.com (943 712406)

Eguraldia
Osteguna 19 Min: 15
Max: 26
Ostirala 20 Min: 15
Max: 29
Larunbata 21 Min: 17
Max: 27
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak