Irakurriena
- 1. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 2. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 3. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 4. 74ko sortzaileei omenaldia egin diete Aurrenak kooperatiban
- 5. Mende erdiko lerroa abestiaren bideoklipa estreinatu du Ikerlanek bere 50. urteurrena ospatzeko
- 6. EduRobotic Synthesis eta WinnBot taldeak izan dira FLL Euskadi-MONDRAGON torneoko irabazleak
- 7. MONDRAGON Healtheko komunikazio taldea Osartenen bildu da
- 8. Mondragon Goi Eskola Politeknikoak Amazoneko langileak trebatuko ditu
- 9. Iñigo Urkullu lehendakariak Lortek bisitatu du
- 10. Kide izango da Ondarroako arraun taldearen babesle nagusia hurrengo hiru denboraldietan
Oslo, Copenhague eta Stockholm-eko aireportuetako hotz sistemak eta catering ekipamenduak instalatu ditu KIDEk
Europako airelinea nagusienen catering eta hotz sistemak instalatzeko hornitzaile nagusiak KIDEn erakusten duen konfiantzak ez du mugarik eta fruituak ematen jarraitzen du. Izan ere, asko dira azken urteotan hornitzaile horrentzat KIDEk burututako proiektuak. Oraingoan, MONDRAGON Korporazioaren barne dagoen Berriatuako kooperatibak, Eskandinaviako aireportu nagusienetan garatuko ditu proiektuak.
Lorea Sainz-entzat, KIDEren Europarako delegatu komertziala, euren aldeko apustua ez da kasualitatea, "sektore honetan epeak oso estuak dira, exijentzia izugarria da eta erantzuteko gaitasuna oso handia izan behar da kalitatezko zerbitzua bermatzeko, hasieratik proiektuaren amaierara arte. Eta uste dut erantzun maila oso altua lortu dugula eta horrexegatik aipatu bezero garrantzitsu honek behin eta berriro KIDE aukeratzen du bere proiektuak burutzeko".
Lorea Sainz, KIDEren Europarako delegatu komertziala: "Europako eta mundu mailako airelinea nagusienen catering instalazioen eta hotz sistemen merkatuan inor baino hobeto posizionatuta dagoen hornitzailea da eta izugarrizko bermea erakutsi diegu".
Elkarrekin Basileako aireportuan (Suitza), Berlineko aireportuan, Madagaskarreko meategi batzuetan edo eta Amsterdameko aierportuan, Easyjet Airelinearentzat, egin dute lan eta KIDEk erakutsitako gaitasuna proiektu horien exekuzioan oso ona izan da. "Europako eta mundu mailako airelinea nagusienen catering instalazioen eta hotz sistemen merkatuan inor baino hobeto posizionatuta dagoen hornitzailea da eta izugarrizko bermea erakutsi diegu", adierazi digu Lorea Sainz-ek.
Logistika konplexua
KIDEk proiektu hauetan guztietan eskaintzen duen zerbitzua hotz ganbera eta sistemen instalazioaz harago doa. "Hotz ganberen eta hotz zonalde guztiaren planoa egiten dugu, ate isolatzaileekin, panelekin, hozkailuekin, lanerako aretoekin (ontziratze gunea) eta hotz sistemekin. Muntaketa eta instalazioa egiten dugu, ekipamendu guztia. Alegia, instalazioetan hotzarekin zerikusia duen guztia egiten dugu, hasieratik amaierara, eta logistika zerbitzua ere eskaintzen diegu, konplexutasun handikoa".
KIDEk 18 laguneko lan-taldea du Europan barrena, lanean, azpikontratatutako enpresetako pertsonak barne. Bereziki, une honetan, pertsona hauek guztiak Eskandinaviako penintsulan garantzen ari diren proiektu nagusienetan ari dira lanean.
Uneotan, KIDEk 18 laguneko lan-taldea du Europan barrena, lanean, azpikontratatutako enpresetako pertsonak barne. Bereziki, une honetan, pertsona hauek guztiak Eskandinaviako penintsulan garantzen ari diren proiektu nagusienetan ari dira lanean.
Merkatu eta produktu dibertsifikazioa
Europarako delegatu komertzialarentzat, orainak eta etorkizunak dibertsifikazio estrategia egokian du oinarria, bai merkatuari zein produktuari dagokionez. "Esportazioa jada ez da aukera bat, esportazioa gure enpresek ezinbestean garatu beharreko estrategia da", adierazi digu Lorea Sainz-ek.