Orbeak bere proiektua sendotu du mila pertsona baino gehiagorekin

Maiatzaren 6an, larunbata, egin zuen Orbeak bere Ohiko Batzar Orokorra eta zenbait ondorio garrantzitsu atzeman ziren. Batetik, lan-taldeak dagoeneko mila lagun gainditzen dituela, horietatik %80 Euskal Herrian. Hala, hiru urteren buruan Orbeak bere estruktura bikoiztu du eta nazioarteko talentuaren erakarpenean ere aurrera-pauso garrantzitsuak eman ditu.

Zapigarren urtez jarraian hazkunde prozesuarekin jarraitu du 400 milioi euroko fakturazioa lortu arte, %85 esportazioko merkatuetan

Orbeak nazioartean esanguratsu izateko helburua ezarri zuen orain urte batzuk eta horretarako dimentsioan hazkundea ezinbestekoa zela atzeman zuen, hala merkatuan proposamen bereiztua egiteko eta mundu osoko txirrindularien marka gogokoa bilakatzeko.

Gaur helburu horiek lortu dituztela diote balio kooperatiboetan oinarrituta, Euskaditik, ekoizpen zentroak hemen izanda, eta erakundea osatzen duten agente eta pertsona guztien ikuspegi argiarekin.

Zapigarren urtez jarraian hazkunde prozesuarekin jarraitu du 400 milioi euroko fakturazioa lortu arte, %85 esportazioko merkatuetan. Emaitza, zerga ondoren, 2021ean baino %20 handiagoa izan da, errekurtso propioen indartzea suposatzen duelarik.