Ingeniaritza , instalakuntza eta ingurumena
Irakurriena
- 1. Laboral Kutxa, Estatuko bost banku onenen artean
- 2. Maria Jose Rodriguezek Lagun Aro Aseguruen zuzendaritza nagusiaren ardura hartu du
- 3. LagunAroren Batzar Nagusia: 2025 ekitaldi bikaina; 2026 zalantzati hasi da testuinguru ekonomikoan
- 4. 24. Korrika MONDRAGONen
- 5. Bost hamarkada hezkuntzaren abangoardian
- 6. Enpresen lehiakortasun globalean Txinak duen eragina, MONDRAGONen Pertsonen Kudeaketarako XVI. Foroaren ardatza
Ondoan-ek Eibarren etorkizun industriala bultzatzen du
Eibarko Udalak Ondoan enpresaren konfiantza izan du "Eibarko Industrien Ekosarea" programaren buru izateko. Ekimen honen helburua hiriko enpresa-ehuna ekosistema jasangarriago, lehiakorrago eta kolaboratiboago bihurtzea da.
Eibarko industriak etapa berri bati ekin dio. Trantsizio ekologikoan inor atzean ez uzteko asmoz, "Eibarko Industrien Ekosarea" ekimenaren bigarren edizioa jarri da abian. Ondoan elkarteak kudeatzen duen programa honen helburua da tokiko enpresek bakarka lehiatzeari uztea, sarean lankidetzan hasteko. Ondoan programak doan eskainiko dizkie ingurumen eta energia arloko aholkularitza-zerbitzuak programan parte hartzen duten enpresei.
Jarduera-eremuak
Edizio honetan parte hartzen duten enpresek lau zerbitzu eskatu ahal izango dituzte, funtsezko beste hainbeste eremuri lotuta.
Programak jorratzen duen lehen eremua legeriari lotutakoa da. Ingurumen-diagnostikoa egitea erabakitzen duten enpresek aplikatu beharreko legediaren betetze-maila ebaluatu ahal izango dute, eta laguntza jasoko dute egokitzapen-plana zehazteko eta ezartzeko.
Funtsezko bigarren eremua Karbono Aztarna Murrizteari lotuta dago. Laguntza eskainiko da COMAIZ isuriak kalkulatzeko, MITECOn erregistratzeko eta Deskarbonizazio Plana eguneratzeko/egiteko eta gauzatzeko.
Programak eragiten duen hirugarren eremua Eraginkortasun Energetikoa da. Energia-kontsumoak aztertuko dira, aurrezteko aukerak identifikatuko dira eta energia berriztagarriak integratzearen bideragarritasuna ebaluatuko da, faktura energetikoa murrizte aldera.
Eta, azkenik, laugarren zerbitzuak Inbertsio Berdearen arloan aukerak bilatzea sustatuko du. Horrela, enpresek dirulaguntzak, zerga-kenkariak eta Aurrezki Energetikoen Ziurtagiriak (EAE) eskuratu ahal izango dituzte.
Ingeniaritza , instalakuntza eta ingurumena
