Nola egiten dio aurre Afrikako emakumeak egungo eta etorkizuneko erronkei?

Datorren astean ospatuko den Afrikaren egunaren harira, 'Afrikan emakume jaiotzea' izenburupean hitzaldia antolatu du Mundukidek, Maiatzak 27an, osteguna, 18:00etan, Arrasateko Arizmendi Ikastolaren Gaztelupe gunean.
Card image cap
2021/05/19

Mundukidek 20 urte daramatza Afrikan, bertako pertsonekin batera lankidetza programak eraikitzen, eta Afrikar kontinentearen eguna ospatzen den honetan, Arrasateko biztanleei Afrikara “bidaiatzeko” eta emakume afrikarren ametsak eta erronkak ezagutzeko aukera eskaini nahi die Bilbon bizi den Hilaria Viakena aktibista angolarraren eskutik.

Azken hamarkadetan, Afrikako kontinenteak aurrerapen handiak bizi izan ditu, batez ere, sektore ekonomikoan. Azken zifrekin bat etorriz, egiaztatu ahal izan da garapen esanguratsua gertatu dela, eta horri esker, emakumeek ekonomian, enpresa esparruan eta garapenean zuzeneko eragileak izanez parte hartzeko aukera izan dutela.

Urteak igaro ahala, politikan, ekonomian, kulturan eta zientzian kargu garrantzitsuak betetzen hasi dira, eta horrek genero-berdintasun handiagoa ekarri du. Baina nola bizi dute hori guztia emakume afrikarrek eta zer dute esateko?

 

Kooperazio kooperatiboa