MONDRAGONeko kooperatiba asko inoizko enpresa lasterketa arrakastatsuenean

MONDRAGON taldeko makina-erreminta dibisioa

Banaketa komertziala

Automozio osagaiak

Ikerketa zentro teknologikoa

Finantza eta aseguru zerbitzuak.

Irtenbide profesionalak.

Gipuzkoako Enpresen Lasterketak marka guztiak hautsi ditu: inoizko parte-hartzerik handiena izan du, bai enpresa kopuruari dagokionez, bai eta taldeei dagokienez ere. 1.000 talde baino gehiago, 4.000 parte-hartzaile baino gehiago eta 400 enpresa ordezkatuta. LABORAL Kutxa babesle nagusia izan da berriro zazpigarren edizioz jarraian.

2025/05/19

Aurreikuspenak onak baziren ere, azken zifrek errekor guztiak hautsi dituzte. Izan ere, 1.014 taldek (4ko taldeak) hartu zuten parte Gipuzkoako enpresen lasterketaren 16. edizioan, iaz baino 157 gehiagok.

LABORAL Kutxako taldea lasterketaren lehen metroetan, Hernani kaletik Boulevar-eko bihurgunean, 8 km-ko ibilbideko lehenengo metroetan.

Kategorien arabera, mistoa izan da popularrena, 569 talderekin. Gizonezkoetan 347 taldek parte hartu zuten, eta emakumezkoetan, 98k. Nabarmentzekoa da, halaber, 87 taldek aukeratu dutela premium inskripzioa, eta 927k oinarrizko inskripzioa. 4.056 parte-hartzaileetatik 1.900 emakumeak izan ziren, hau da, parte-hartzaile guztien % 45.

LABORAL Kutxa izan da, zazpigarren urtez jarraian, lasterketaren babesle nagusia.

MONDRAGON oso presente

MONDRAGONeko kooperatiben presentzia garrantzitsua izan da: Ikerlan, LABORAL Kutxa, LKS Next, Danobatgroup, Orkli, Eroski edo Fagor Ederlan bezalako kooperatibekin. Kategoria eta lasterketa guztietan izan ditu ordezkariak MONDRAGONek: gizonezko, emakumezko zein talde mistoetako lasterketetan.

Aurreko urteetan, Ausolan (2023an) eta Orkli (2022an) enpresen lasterketako protagonistak izan ziren gizonezkoen kategorian, biek ala biek garaipenak eskuratuz. Aurten Danobatgroup-eko taldea, gizonezkoetan, podiumean izan da. Danobatgroupeko laukotea bigarren sailkatu zen.