MONDRAGONek inBiot startupean inbertitu du

Eragiketa berri hau ekintzailetza-gaitasunak aktibatzeko eta kooperatiben artean negozio berriak sustatzeko estrategia korporatiboaren testuinguruan kokatzen da, hazteko gaitasuna duten enpresa gazteen aldeko apustuarekin. MONDRAGONek bost urte daramatza eratu berri diren hogei bat enpresatan inbertitzen, kooperatibak enpresa horien kapitalean inplikatuz eta, beharrezkotzat jotzen denean, arrisku-kapitaleko funts korporatiboekin lagunduz, arriskuak hasierako faseetan hartzea konpentsatzeko.

MONDRAGONekin eta bere kooperatibekin estrategikoki bat datorren inbertsio berri bat da oraingoa. Etxeko erosotasuneko inguruneetan energia-eraginkortasuneko sistemak eskaintzen dituzten soluzio adimendunak garatzen dituen proiektua da, non MONDRAGONek presentzia historikoari eusten dion eta iraunkortasunaren esparruan etorkizuneko negozioen garapenerako bere ardatz estrategikoetako batekin lerrokatzen den, tokiko ezarpeneko proiektuekin enplegua sortzeko konpromisoarekin bat egiteaz gain.

MONDRAGONek bost urte daramatza eratu berri diren hogei bat enpresatan inbertitzen, kooperatibak enpresa horien kapitalean inplikatuz eta, beharrezkotzat jotzen denean, arrisku-kapitaleko funts korporatiboekin lagunduz

2018an sortua, inBiot enpresak negozio-eredu aitzindaria garatu du, teknologia propioan eta zerbitzu digitaletan oinarritua, eta irtenbide osoa eta malgua eskaintzen du eraikinetako barneko airearen kalitatea monitorizatzeko eta kontrolatzeko. Gaur egun, eraikin mota askotan instalatuta daude, herrialde osoan. Kapital-injekzio berri horrekin, inBiot posizionatuta dago merkatuan duen presentzia sendotzeko eta nazioartean duen hedapena indartzeko, joan den urtean Erresuma Batuan eta Irlandan hasi baitzen.