Mondragon Unibertsitatea Mexikon izan da berrikuntza, ekintzailetza eta talentuaren erakarpenaren alorretan harremanak estutzeko helburuarekin

Mexikorako misio instituzional eta akademiko batean hartu du parte Mondragon Unibertsitateak, Bizkaiko Foru Aldundiak antolatuta. Bidaiaren helburua izan da lurraldearen lehiakortasuna indartzea, besteak beste, STEM talentua erakarrita eta ekintzailetza teknologikoa bultzatuta. Misioak Queretaro eta Nueva Leon bezalako polo estrategikoak bisitatu ditu, non agenda instituzional, akademiko eta enpresarial betea izan duen.

Mondragon Unibertsitateko ordezkariak honako hauek izan dira: Vicente Atxa, Mondragon Unibertsitateko errektore eta lehendakariordea; Jon Altuna, errektoreorde akademikoa; Carlos García, Goi Eskola Politeknikoko zuzendaria; eta Lander Beloki, Enpresa Fakultateko dekanoa.

Bisitan, Nuevo Leongo Monterreyko Teknologikoarekin lankidetzan aritzeko aukerak aztertu dituzte, goi mailako hezkuntzan duen ikuspegi berritzaileagatik eta ekintzailetza ekosistemagatik aintzatetsitako erakundea baita. Gainera, Mondragon Mexico Unibertsitatearekin (UMX) Queretaron izan daitezkeen sinergiak aztertu dituzte, nazioarteko STEM talentua erakartzera eta garatzera bideratuta.

Era berean, misioak Mexikon ezarritako euskal enpresekin harremanak sendotzea ahalbidetu du, Eika bezalako lantegietara bisitak eginez eta Cikautxo, Maier, Ecenarro, Fagor Electrónica, Mondragon Assembly, Danobat eta Erreka konpainietako ordezkariekin bilerak eginez.