MONDRAGON Hospitality indartsu azaldu da HIP Expo azokan, hotel eta sektore soziosanitariorako soluzio berritzaileekin

MONDRAGON Hospitality-k HIP-en (Horeca Professional Exporen) aurtengo edizioan hartu du parte, Espainiako ostalaritza sektoreko erreferentziazko hitzorduan (otsailaren 16tik 18ra, Madrilen). Azokak HORECA ekosistemako eragile nagusiak biltzen ditu, eta hotelgintzarako zein sektore soziosanitariorako espazio bereiziak eskaintzen ditu, merkatuak eskatzen duen espezializazio eta zeharkakotasun handiagoa islatuz.

Taldearen erakusketa-gunean, hainbat kooperatibak beren irtenbideak eta proiektu estrategikoak aurkeztu dituzte. Estaerako, ONNERAk, Basque Culinary Center-ekin (Mondragon Unibertsitatea) lankidetzan berriki inauguratutako GOe aurkeztu du hitzaldi batean, gastronomia eta operazio arloko berrikuntzaren eta bikaintasunaren abangoardiaren isla. AUSOLANek, berriz, sektore soziosanitarioko sukaldaritzan kalitatearen garrantzia azpimarratu du, behar espezifikoak dituzten kolektiboei egokitutako elikadura osasungarriaren aldeko konpromisoa nabarmenduz.

Bestalde, GERODANek adinekoen egoitzetan erosotasuna eta funtzionaltasuna hobetzeko barne-diseinuko proiektuak partekatu ditu. Azkenik, KIDEren presentziak osatu du kooperatiben parte-hartze bateratua, MONDRAGON Hospitality sektorerako irtenbide integraletan erreferente gisa sendotuz.