Muntaketa automatikoaren sistemak
Etxetresnak elektrikoen salmenta osteko zerbitzua
Klimatizazio eta ongizaterako irtenbideak
Irakurriena
- 1. K-Foroa 2023: Estrategia, hedabideen gestioa eta Adimen Artifiziala
- 2. MONDRAGON TFG/TFM Sariak banatu dira Donostiako Kursaal Jauregian
- 3. Javier García, Copreciko zuzendari nagusi berria
- 4. Finantza Foroa 2023
- 5. MONDRAGONek eta Bexen Medicalek Cocoon Bioscience-n inbertitu dute
- 6. Nafarroako kooperatibak eta Irulegi, eskuz esku
- 7. "Basoa ikasgela bilakatu dugu"
- 8. Orbea Gravel Arabako Errioxa, erreferentziazko kirol egitasmoa
- 9. Saharar Herriaren arrakala digitala murrizteko elkarlanean
- 10. Iraunkortasunaren aldeko apustua indartu du MONDRAGONek
Mondragon Assemblyk, Domusak eta Sareteknikak ekonomia zirkularreko europear proiektu baten parte-hartuko dute

Circ Thread izena eman diote proiektuari eta 8 milioi euroko finantzazioa izango du. Guztira, 48 hilabeteko iraupena izango du eta Europako herrialde ezberdinetako 30 erakundek parte hartuko dute. Ekonomia zirkularrera bideratutako produktuen gaineko informazioa kudeatzeko sistema bat sustatu nahi da enpresa ezberdinen artean, lankidetza eredu bat.
Ekonomia zirkularreko proiektuan parte hartuko duten hiru kooperatiben balio proposamenaren simulazio eskema.
Erregistro digitala
Funtsean pasaporte digital bat sortzea da helburua, produktuek iraunkortasun irizpideak betetzen dituztela ziurtatzen duen pasaportea. Besteak beste, informazio asko jasoko du aipatu erregistro digitalak: produktuaren eta materialen egoera, errekurtsoen eta lehengai kritikoen gaineko informazioa, produktuaren bizitza erabilgarria, ingurumen adierazgarriak, sozialak eta erabilera amaierakoak.
Informazio asko jasoko du aipatu erregistro digitalak: produktuaren eta materialen egoeraren gainekoa, errekurtsoen eta lehengai kritikoen ingurukoa, produktuaren bizitza erabilgarriarena, ingurumen adierazgarriak, sozialak eta erabilera amaierakoak.
Informazio hau guztia produktuaren zirkulartasunarekin lotuko da, produktuen mantenutik, bizitza erabilgarritasunera, eta baita ber-egokitzapen edo eta ber-erabilpen arloko kontuekin ere.
Hiru proiektu pilotu
Circ Thread egitasmoak hiru proiektu pilotu hartuko ditu bere baitan eta jarriko ditu abian. Bat Espainian, etxeko energia sistemekin zerikusia duena eta bertan parte hartuko dute Domusak, Mondragon Assemblyk eta Sareteknikak, eta beste biak Italian eta Eslovenian.
Zer da ekonomia zirkularra?
Iraunkortasunarekin elkar-erlazionatzen den kontzeptu ekonomikoa da. Ekonomia zirkularraren helburua da produktuen balioa, materialak eta lehengaiak (ura, energia...) ekonomian mantentzea ahalik eta denbora gehien, eta murriztea, ahal den eta gehien, hondakinen sorkuntza.