Mikel Mujika Estensoro, Orkliko Konfort eta Osasun negozioaren zuzendari berria

Orklitik jakinarazi dutenez, Mikel Mujika Estensorok hainbat rol bete ditu bere ibilbide profesionalean, eta lidergo "propioa eta hurbila" garatu du. Erosketen sailean Kudeatzaile gisa eta ondoren Erosketen zuzendari gisa izan duen esperientzia "funtsezkoa" izan da merkatuaren dinamika ulertzeko eta Orkliren hornitzaileekin harreman sendo eta estrategikoak ezartzeko.

Aurreko etapa batean zoru erradiatzailearen familiako arduradun gisa egindako lanak sektorearen premien eta joeren ikuspegia eman dio. Hasiera-hasieratik, jakin izan du bere lan-bizitzako etapa bakoitza elkarlanaren bidez egokitzen eta gidatzen.

Bezeroari zuzendutako esperientzia eta lidergo-estilo horrek lanpostu berriak eskatzen duen ikuspegia eraikitzen lagunduko dio, Orkliren etxeko Eraginkortasun Energetikoaren, Erosotasunaren eta Osasunaren Ekosistemaren balio-eskaintza garatzen eta indartzen jarraitu ahal izateko.