Irakurriena
- 1. AFM Klusterrak Jose Perez Berdud izendatu du presidente
- 2. Xabier Sotil: "Gazteak balioetan oinarrituta konbentzitu behar dira, etorkizuneko kooperatibak eraiki ditzaten"
- 3. Arizmendi eta Mundukideri esker, ordenagailuak Brasilgo eskoletara
- 4. Mondragon Unibertsitateak eta Elayk bat egin dute automobilgintzarako pieza metalikoen fabrikazioa hobetzeko
- 5. Kargadore inalanbrikoa garatu du Ikerlanek, Europa mailako proiektu baten baitan
- 6. Orbeak 170 lanpostu berri sortu eta 282 milioi euro fakturatu zituen 2021ean
- 7. Euskara Planaren 20. urteurrena ospatu du Batz kooperatibak
- 8. Covid-19 kasu positiboen kontaktuak arakatzeko taldearen lana bikaina izan da kooperatibentzat
- 9. Soralucek 60 urte betetzen ditu fundatzaileen adorea eskertuz
- 10. SHREC taldeko nazioarteko adituak energia berriztagarrien inguruan arituko dira Garaian
LABORAL Kutxak webgune berria estreinatu du eta banka mugikorra berritu

LABORAL Kutxak web korporatiboa berritu du, eta diseinu eta eduki berriak eta nabigazio errazagoa eskaintzen ditu orain. Entitateak eduki sozialagoa eta erabilgarriagoa eskaini nahi dio erabiltzaileari, blogeko eta Enpresen Bankako edukiak txertatuz.
laboralkutxa.com atariak 2 milioi sarrera baino gehiago ditu hilean. Orain, simulatzaile berriak eskaintzen ditu maileguetarako (simuladores) eta erretirorako (jubilación), baita bilatzaile aurreratuagoa eta sukurtsal-bilatzaile eraginkorragoa eta bisualagoa ere.
Responsive diseinua aurrendaria da finantza-erakundeetan, eta ataria eroso bistaratzeko aukera ematen du tamaina guztietako pantailetan, neurri guztietako tableta eta smartphoneetan ere bai.
Webgunea diseinatzean, Entitateak ahalegin berezia egin du ukipen-nabigazioa hobetzeko eta irakurketa errazteko. Gainera, webguneak material grafikoaren eta ikus-entzunezkoaren aldeko apustua egin du, edukiak sendotzeko eta gaur egungo gai eta kanpainetan sartzea errazteko. Sekzio berriak honako hauek izango dira: Eguneroko gestioa, Aurrezkia, Finantzaketa eta Aseguruak.
Laboral Kutxaren beste helburuetako bat Etxeko orrialdetik erreferentziazko zerbitzuetara sartu ahal izatea da. Hala, sekzio interesgarriak ikusi ahal izango dira web korporatibora sartzean, hala nola, honako hauek: Prentsa-aretoa (Sala de Prensa), Gaztenpresa (Gaztenpresa) eta Bada beste modu bat (Hay otra forma) eta Enpresen Banka (Banca para Empresas) blogak. Edukiak aldian behin eguneratuko dira.
Bestalde, Banka Mugikorra ere berritu egin da. HTML5 teknologiari esker, erabilera errazagoa du eta bateragarriagoa da gailu mugikorretako nabigatzaileekin.
Banka Mugikorrak egunean dituen 120.000 erabiltzaileetatik, erdiek baino gehiagok Android, iOS eta BlackBerry sistema eragileetarako APPa erabiltzen dute eta besteek Online Bankaren sakelakoetarako bertsioa (mobi.laboralkutxa.com).
Menu berriak indargune batzuk ditu, bezeroak aplikazio beraren bidez atal gehiago eskura ditzan. Horrela, minutu bakarrean, bezeroek baloreak salerosi edo mailegu bat (crédito instantáneo) kontratatu ahal izango dute, telefonoz; gainera, laster aseguru-zerbitzu berritzailea eta aitzindaria erantsiko da, eta, bertan, bezeroek premiazko laguntza eskatu, ezbehar baten parte eman nahiz garabi-zerbitzu edo sarrailagile bat kontratatu ahal izango dute, besteak beste.
Horrez gain, bezeroek eragiketarik ohikoenak egin ahal izango dituzte: saldo-kontsultak, transferentziak, burtsa-kotizazioak eta GPS bidezko sukurtsal-bilaketak, besteak beste.
Berritasun horiek guztiak erabiltzaile eta bezeroen gero eta premia eta eskakizun zorrotzagoei erantzuteko hilabeteetan egindako lanaren eta ikerketaren emaitza dira.