Kooperatzen prozesua, formazio kooperatiboan urrats berria

Berogailu, osasun ur bero, ura berotzeko eta etxetresna elektrikoetarako osagaiak

Formazio kooperatiboan jauzi berritzailea izan da Kooperatzen. Kooperatibako bazkide kolektibo osoari irekia, erakundeari eta kooperatiba bakoitzari erabat egokitua, 100% pertsonalizatua eta kooperatibaren estrategian eragin zuzena izateko diseinatua.

2023/12/06

Lanki Ikertegiaren zuzendaritzapean Orkli kooperatiban egin da Kooperatzen prozesuaren aurreneko esperientzia praktikoa. Ordiziako kooperatibako bazkide kolektibo osoarekin landu da eta emaitzak positiboak izan dira. Egitasmoak berezitasun propioak ditu eta berritzailea da bere kontzepzioan. Hezkuntza kooperatiboa du helburu, baina erakundera egokituta, erabat pertsonalizatua da hasieratik amaierara, eta kooperatibaren estrategian eta gestioan eragin nahi du.

Kooperatibaren erronkak dira prozesuaren ardatza eta eredu kooperatibotik erronka horiei erantzutea da saiakeraren helburua

Kooperatibaren erronkak dira prozesuaren ardatza eta eredu kooperatibotik erronka horiei erantzutea da saiakeraren helburua. Erantzunkidetasuna oinarri hartuta, bazkide bakoitzaren hitza aintzat hartuta eta Organoen parte-hartzearekin, denok bide berean egin dezaten arraun.

Albistea eta Lanki Ikertegiko Aritz Kanpandegiri elkarrizketa abenduko TU Lankiden.