Irakurriena
- 1. MONDRAGONek nota onarekin gainditu du Covid-19aren krisia
- 2. “Azal modernoagoa dugun arren, esentzia gordetzen dugu: enpresetara teknologia transferitzeko grina”
- 3. Ihes egin Eroski Bidaiak-ek eskaintzen duen pack honekin
- 4. "Nire azken Kongresua izan da eta emozioz beteriko uneak bizi ditut. Oso eskertua nago!"
- 5. Iñigo Urkullu Lehendakariak Eika bisitatu du
- 6. Ondo jateko aholkuak, baita udan ere!
- 7. “Zerbait aldatu da nigan. Errutinan galtzen den ilusioa eta itxaropena berpiztu du ikastaroak”
- 8. ONCEko eta ILUNIONeko ordezkariak MONDRAGONen bisitari
- 9. Arantzazulab-ek ikerketa-programa zehaztu du hiru euskal unibertsitateekin batera
- 10. Leartiker Zentro Teknologikoa BRTAko kide bihurtu da
MONDRAGON Health aukera bila osasunaren esparruan
Mikel Alvarezentzat, MONDRAGON Health-eko zuzendari eta gaurko jardunaldiaren bultzatzaile nagusia, gaur Otaloran, Zuzendari eta Kooperatiba Garapenerako Zentroan egin den jardunaldiak helburu nagusi bat zuen, “sektorean diharduten profesionalen arteko harremanen bitartez sortuko dira aukera berriak Osasunaren alorrean, eta horrelako jardunaldiak garrantzitsuak dira profesionalak, banaketako enpresak eta gure kooperatibek parte hartzen dutelako".
Hain justu ere, gaurko jardunaldian Osasunaren Sektoreko hiru alor ezberdinetako profesionalek esku hartu dute: medikuntza arloko profesionalek, banaketaren arduradunak (Ortovas Médica enpresakoak) aldi berean produktuak eta zerbitzuak saltzen dituztenak, eta MONDRAGON Korporazioko kooperatibak. "Gure korporazioan gero eta enpresa gehiago daude Osasun arloko teknologietan ari direnak".
Josu Merino, Gurutzetako Unibertsitate Ospitaleko mediku traumatologoa.
Profesionalen eta MONDRAGONen arteko sarea eratu
Gaurko jardunaldiaren beste helburu nagusia izan da “MONDRAGON Korporazioaren eta sektoreko profesionalen arteko sarea errotzea". Alvarezek gaineratu duenez, "soilik bide horretatik egingo dugu aurrera sektore honetan".
Gaurko jardunaldian ondorengo espezialitateetako profesional sanitarioak izan dira: Ortopedia/traumatologia, neurokirurgia, urologia, ginekologia y obstetrizia, kirurgia orokorra eta anestesia eta neurologia. Gure kooperatibetako ordezkaritza zabala izan da. Besteak beste; MU, Leartiker, Ideko, Ikerlan, Lortek, Danobat, Ulma Embedded, Fagor Healthcare, Cikautxo, Diara, Oiarso, Kiro Robotics, Ulma Centro Promoción, Fagor Centro Promoción, Osatu, Saludnova, Saiolan, Fagor Ederlan, MONDRAGON Componentes eta POC Microsolutions.
Javier Aranceta (MONDRAGON Componentes) eta bere ondoan Josemari Usatorre (MONDRAGON Korporazioa) eta Angel Lequerica (Fagor Ederlan).
Batzarra goizeko 9:30ean abiatu da eta arratsaldera arte luzatu da. Besteak beste, hitzaldiak, eztabaida irekiak eta mahai inguruak egin dira, eta arratsaldean MONDRAGON korporazioko enpresak elkartu dira jardunaldiaren gaineko aurreneko balorazioa egin asmoz.
