Jean-Philippe Aguerre da 2025eko asmatzaile onenaren GALBAHE Sariaren irabazlea

2025ko asmatzaile onenaren GALBAHE Sariaren irabazlea Jean-Philippe Aguerre da, Mondragon Assemblyko I+G arduraduna 2008tik. Ipar euskaldun hau dagoeneko argitaratutako 14 patente familiatan agertzen da asmatzaile gisa, horietako asko Mondragon Assembly-ren izenean eta gainontzekoak Kiro Robotics-en izenean. Bestalde, kooperatibaren jabetza industriala eta intelektuala kudeatzeaz ere arduratzen da.

GALBAHE Sariari buruz

GALBAIANek GALBAHE Saria ematen dio urtero bere irizpideen arabera saria jasotzeko meritu gehien pilatu dituen asmatzaileari. Sari honen bidez, GALBAIANek balioan jarri nahi ditu inguruko asmatzaileak, merezi duten ikusgarritasuna eta aitortza emanez.

Hauek izan dira aurreko urteetako irabazleak:

• 2024 – Jose Ignacio Mujika, Copreciko berrikuntza arduraduna
• 2023 – Nagore Abrisketa, Vicinay Marine Innovación-eko proiektu arduraduna
• 2022 – Bitor Mendiguren, Ingeteam-en sortzailea
• 2021 – Arrate Jaureguibeitia, garai hartan  Biolaneko berrikuntza zuzendaria
• 2020 - Ez zen eman pandemiaren ondorioz
• 2019 - Manu Colino, I+G-ko ingeniaritzako teknikaria Ulma Construction-en
• 2018 - Tomás Morlanes, Fagor Automationeko Optika Saileko arduradun teknologikoa 
• 2017 - Eneko Izquierdo, Ulma Packaging-eko Inteligentzia Lehiakorraren arduraduna 
• 2016 - Felix Kerejeta, Copreciko teknologia kudeatzaile seniorra