Irakurriena
- 1. Manuel Sánchez Lagarejo, MONDRAGON Healtheko presidente berria
- 2. "Gizarte-ekonomia gehiago, gizartea eraldatzeko"
- 3. Txinako Kunshan eskualdeko ordezkaritza bat, MONDRAGONen
- 4. Fagor Ederbatt, errendimendu handiko litiozko bateriak ekoizteko ekimen berria
- 5. Merkatuko erronka berrietara egokitzeko gaitasuna azpimarratu du Fagorrek Batzar Nagusian
- 6. Fagor Ederlan Taldeak Ipar Amerikako Regen Aluminum enpresaren %51 eskuratu du
IDEKO Saiakuntza Ez suntsitzaileen Europako Kongresuan parte hartzen ari da Lisboan

IDEKO zentro teknologikoa, Basque Research and Technology Alliance (BRTA) erakundeko kidea, Saiakuntza Ez Suntsitzaileen Europako 13. Biltzarrean (ECNDT) izango da uztailaren 7ra arte. Portugalgo Saiakuntza Ez-suntsitzaileen Elkarteak (FSEND-RELACRE) antolatuta.
Saiakuntza ezsuntsitzaileei esker (NDT, ingelesez), fabrikatutako piezen egoera eta kalitatea egiazta daitezke, gainazaleko edo egiturazko kalterik eragin gabe, eskakizun eta balio handiko sektoreetan erabiltzen diren osagaietan; hala nola trenean, aeronautikan edo energia-sorkuntzan.
Hiru egunez, Portugaleko hiriburuak diziplina horri lotutako komunitate osoa hartuko du: akademikoak, ikuskapen-enpresak, laborategi akreditatuak, industria eta ekipo-hornitzaileak, NDT arloan egindako azken aurrerapenetan sakontzeko eta sinergiak sortzeko.
IDEKOk oso ondo ezagutzen ditu ikuskapen ez-suntsitzaileen teknikak, eta presentzia nabarmena du kongresuan. Zehazki, zentroko Fabrikazio Prozesuen Ikerketa taldeko bi adituk, Iratxe Aizpuruak eta José Luis Lanzagortak, bi ponentzia emango dituzte. Bertan, bi sistema aurkeztuko dituzte, datuen analisia arintzeko eta eskuzko analisi tradizionaletatik geometria konplexuko piezetan automatizatuetara eboluzionatzeko hain zuzen.