Irakurriena
- 1. “Estatu osorako txertoak banatzeko eta biltegiratzeko gaitasuna du Bexen Medical-ek”.
- 2. New York Times egunkariak MONDRAGONen eredu kooperatiboan erreparatu du
- 3. Domusa Teknikek Jaurlaritzaren Kudeaketa Aurreratuaren “Urrezko A” saria jaso du
- 4. Iñigo Ucin, MONDRAGONeko lehendakaria: "Pandemia honetan kooperatibek egin dutena izugarria izan da"
- 5. “Mundukiderekin kooperante izatea oso esperientzia aberasgarria izan da”
- 6. Mondragon Unibertsitateak urtarrilean estreinatuko du Zorrotzaurreko As Fabrik erakin berrira
- 7. 245.000 bisitatik gora jaso ditu tulankide.com-ek 2020an zehar
- 8. “COVID-19 eta ondoren zer?” liburuan, pandemiaren ondorioak eta erronkak aztergai
- 9. "Ekonomia ez da itzali eta piztean lehengoratzen den makina bat"
- 10. Fagor Arrasatek 24 milioi inbertituko ditu eraldaketa digitaleko proiektuetan
GARAIAk irudi berria aurkeztu du hamargarren urteurrenean

Hamar urte igaro dira GARAIAko eraikin nagusia inauguratu zenetik. Ibilbide honen hasierak GARAIA topagune bilakatzea zuen ardatz, ekintzailetasuna, giza-balioak eta balio sozialak oinarri hartuta, ideia eta proiektuen arteko elkarbizitzarako, elkarren arteko lankidetzarako eta jarduera berritzaileen sustapenerako espazio bilakatzeko bidean. Hau guztia, negozio aukera berriak sustatuz eta, enpresen eta bestelako agenteen arteko sinergiak indartuz, lurraldeko aberastasuna bermatzea helburu.
Bere eraikin nagusiaren 10. urteurrena duen honetan, GARAIAk irudi berria aurkezten du, bide berri baten abiapuntua izango dena, GARAIA Parke Teknologikoa eraikitzen jarraituz.
‘Mondragon’-eko ‘M’ hizkia nabarmenduz, GARAIAko azpiegitura nagusiak ematen dio forma eta itxura irudi berriari. Debagoienean kokatuta, industria-egitura emankorreko eskualdea, Parkearen ideia berriak lurraldea du oinarri, bertakoak eta kide diren enpresak, baita maila globalean existitzen diren konexioak ere. Irudi berri hau, Parkearen garai berri baten ikurra da, identitate korporatiboa eta lurralde-izaera indartuz, GARAIAk bere presentzia sendotu nahi du Euskadiko Parke Teknologikoetako bat denez gero, ezagutza, berrikuntza, ekintzailetasuna eta garapena uztartzen dituen jardueran erreferentzia finkatuz eta bide ematen jarraituz.
2017. urteko datuen arabera, 900 pertsona baino gehiago daude GARAIAn lanean, sektore anitzetako jarduera duten 36 enpresatan, 133 milioi euroko fakturazioa dutenak. Horietatik 519, I+G alorrean lanean. Bestalde, 2016. urtean zehar, 246 ekitaldi antolatu dira, 11.000 pertsona baino gehiagoren parte-hartzearekin. Hala, Gosari Teknologikoak, GARAIA Enpresa Digitala, Pildora formatiboak, enpresen arteko topaketak, Ate Irekien Jardunaldia, eta abar antolatu dira, GARAIAk eskaintzen dituen espazioen eta azpiegituren erabilera eginez.
Ekitaldi nagusiko argazki guztiak ikusgai daude hemen: https://flic.kr/s/aHsm43GadQ