Irakurriena
- 1. Iñigo Albizuri: "Giza desberdinkeria murrizteko hazten jarraitzea da kooperatibismoaren etorkizuneko erronka handiena"
- 2. "Erregai fosiletatik energia berriztagarrietara egin beharreko trantsizio honek 2-3 hamarkada beharko ditu”
- 3. Europa erdian, bezero eta lehengaia nagusia bertatik bertara kudeatzeko aukera
- 4. "Energia" aztergai TU Lankideren azken zenbakian
- 5. MONDRAGONek bere azken soluzioak aurkeztu ditu Bienalean
- 6. “Gorputzari kaña emateko gogoz atera nintzen pandemiatik”
- 7. Danobatgroupek bere azken berrikuntzak aurkeztuko ditu BIEMHen
- 8. Adimen artifizialeko, doitasuneko, robotikako eta konpositeetako azken aurrerapenak aurkeztuko ditu Idekok
- 9. Ikerlanek bere pontentzial teknologikoa aurkeztuko du hitzaldien bidez eta espazio dinamikoan
- 10. 'Hazia' Arizmendiarrietaren gaineko musikalaren doinuak gozo datoz
Forokoop-eko VIII. jardunaldiak “2011-2020 hamarkada kooperatiboa” izan zuen gai nagusi
Urriaren 22an egin zen Bilbon Forokoop Kooperatiba-eztabaidarako VIII. edizioko jardunaldia. Goiz osoan luzatu zen egitarauari hasiera emateko Maria Ubarretxena, EKGK-ko presidenteak hartu zuen hitza eta Javier Goienetxea, Konfekoop-eko presidenteak egin zuen aurkezpena.
2011-2020 hamarkadan kooperatibismoak bizi izan duen eboluzioa izan zen aztergai, tarte honetan gure inguru hurbilenean izan diren gorabeherak aipatu eta aztertu ziren. Eta modu berean, etorkizunera begira kontuan izan beharko diren faktore eta baloreak goraipatu ziren.
Hizlarien artean, Igor Ortega LANKIko ikertzaileak kooperatiben mugimenduaren erronkei buruzko hausnarketa egin zuen. Ondoren, world kafe dinamikan hainbat gai aztertzeko aukera izan zuten bertaratu ziren guztiek. Bestalde, “parte-hartzea eta irakunkortasuna” aztergai izan zen mahainguruan, eta bertan parte hartu zuten: Raul Garcia, Ulmako lehendakariak; Marta Enciso, UDeustoko ordezkariak; Antton Mendizabal, Goizperreko giza baliabideen zuzendariak; eta Lourdes Idoiaga, LagunAroko jubilatua.
Bruno Roelants, CECOP CICOPAren idazkari nagusiak hamarkada kooperatiboaren proiektua landu zuen. Lehendabizi krisiak izan duen eragina azaldu zuen, gero parte-hartzean gure ereduan duen garrantziaz mintzatu zen. Gainera, jasangarritasuna kooperatiben sustraietan duten berezko balioa dela goraipatu zuen eta bide horri jarraituta hiru alor bateratu behar direla azpimarratu zuen: alor ekonomikoa, alor soziala eta ingurugiroaren alorra.
Jardunaldiaren ondorioak Joxe Mari Larrañagak azaldu zituen. Batik bat hiru faktorek zentratu zuten taldeetako solasaldia: ekologia, ekonomia, arlo soziala. Etorkizunera begira, kooperatibismoaren baloreek izango dute zeresan garrantzitsuena, enpresaren kudeaketan ere faktore eragingorra bilakatuko baita. Gainera, bestelako aspektuak ere jorratu ziren: lidergoa, komunikazioa, kultura, gobernantza eta abar.
Ekitaldiko argazkiak ikusgai daude: Flickr -Forokoop