Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
Financial Times-ek MONDRAGON aipatu du sektore teknologikoko alternatiba europarraren adibide gisa

Financial Times-ek argitaratutako iritzi-artikulu batean (“How should Europe build its own Silicon Valley?”), Marietje Schaake politika teknologikoetan aditu nederlandarrak Korporazioa aipatu du berrikuntza teknologikoaren Europako panoramaren adibide arrakastatsutzat. Egileak nabarmendu du MONDRAGONek, euskal kooperatibek osatuta eta gobernantza demokratiko eta jasangarritasun eredu batera bideratuta, Silicon Valleyren hazkunde azeleraturako estrategia tradizionalaren alternatiba bat eskaintzen duela.
Schaakeren arabera, MONDRAGONen ikuspegia, epe laburreko etekinaren gainetik pertsonak eta finantza egonkortasuna lehenesten dituena, proposamen berritzailea da, sektore teknologikoan nagusi den ereduaren aldean. Pertsonek funtsezko erabakietan parte hartzeko aukera dute, eta erakundearen barruko soldata aldeak marjina mugatuan mantentzen dira, etekin ekonomikoa maximizatzea bilatzen duten kanpoko akziodunik gabe. Egileak nabarmendu du Korporazioa Espainiako enpresa-talde handienetako bat dela, eta 11.000 milioi euro baino gehiagoko salmentak izan zituela iaz.
Europako erreferentea
Schaakeren hausnarketa Mario Draghik EBren lehiakortasunari buruz egin berri duen txostenaren ondorioz sortu da. Txosten horrek autonomia digitalaren beharra eta azpiegitura teknologiko propioetan inbertitzea nabarmentzen ditu. Egilearen ustez, Korporazioaren ikuspegia, balioetan eta hazkunde iraunkor eta demokratikoan oinarritua, inspirazio iturri izan liteke Europako etorkizuneko garapen teknologikoetarako.
Egilearen ustez, Korporazioaren ikuspegia, balioetan eta hazkunde iraunkor eta demokratikoan oinarritua, inspirazio iturri izan liteke Europako etorkizuneko garapen teknologikoetarako.
Schaakek beste ekimen batzuk ere aipatzen ditu, hala nola Public Spaces, AEBetako teknologia handiekiko mendekotasuna murriztea helburu duen erakunde publikoen koalizioa. MONDRAGONek eta Public Spacesek teknologia gardenagoak, arduratsuagoak eta jasangarriagoak lortzeko bidea erakusten dute, egilearen arabera.
Artikuluak, amaitzeko, egungo bultzada aprobetxatzearen garrantzia azpimarratzen du, atzerriarekiko mendekotasun teknologikoa murrizteko eta Europako printzipioetan oinarritutako alternatiba sendoak eraikitzeko. MONDRAGON, Schaakeren arabera, gakoetako bat da kontinentearen garapen digitalean beste eredu bat posible dela erakusteko.