Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
Fagor Connect aurkeztu du Fagor Electronicak
Bezeroei puntako bitartekoak eskaintzeko lanean darrai Fagor Electrónica kooperatibak. Ekinbide horretan, teknologia eta denbora-pasa uztartuta, esperientzia pertsonalizatua eta konektatua eskaintzeko aukera ematen duen Fagor Connect produktua merkaturatu du. Haren bidez, esaterako, hoteletan ostatu hartuta daudenen esperientzia hobetzea lortuko litzateke, askotariko edukiak eta zerbitzuak eskainiz -horien artean daude filmak, telebista saioak, musika, turismo-informazioa eta jatetxeetako erreserbak-. Gainera, tresna berria lagungarri izan liteke bezeroaren leialtasunerako, besteren artean, kalitate handiko zerbitzua eskainarazteko bitarteko baita.
Fagor Electrónicak merkaturaturiko tresna berriari esker, ostera, erreserben kudeaketa eta okupazioren jarraipena moduko zeregin eta prozesuak automatizatzeko aukera lukete hotelek, haien langileen efizientzia hobetuz eta kalitate handiko zerbitzua eskainiz. Eta sektore sozio-sanitariorentzat ere baliagarri litzateke Fagor Connect, hainbaten artean, klinika, ospitale edo zaharren etxeen interakzioa ahalbidetzen baitu, interakzio pantailei, ilaren kudeaketa adimendunari… esker, erabiltzaileen esperientzia hobetuz.
Proiektu berriaren arduradunek argitu dutenez, zerbitzu iraunkor bat eta negozio modu berriak eskaini gura ditu ekinbide berriak, “bezerien espazioak digitalizatzeko apustu seguru bat eginez”. Era berean, ohi moduan, beharrezko teknologia eta azpiegiturak bermatzeaz aparte, bide laguntza teknikoa eskainiko du kooperatibak produktuaren bizi zikloan, beti ere, “ongizatean, komunitatean, diru-sarrera berriak sorrarazteko zereginean eta iraunkortasunean sakonduz”.
Informazio gehiago: https://www.fagorelectronica.com/negocios/servicios-multimedia/