&quot;Esneki Zentroan ehun ekoizle baino gehiagorekin ari gara lanean&quot;

Teknologia eta berrikuntza

Ezagutza eta teknologia transferentzian espezializatutako Zentro Teknologikoa, osasuna, elikadura eta garraio jasangarria arloetan.

Leartiker zentro teknologikoaren gunean kokatzen da Esneki, Markina-Xemeinen. Esne eta esneki sektoreko beharrei erantzutea da helburua. Egun, 100 gaztandegi baino gehiagorekin ari dira lanean.

2021/02/11

Malen Sarasua, Esneki zentroaren arduraduna eta ikertzaileak aipatzen duen bezala, “azken urteotan egin dugun lanaren emaitza da Esneki, izan ere hamar urte inguru daramatzagu gaztandegi artisauekin lanean eta oraintxe ikusi dugu aukera zentroa sortu eta bere bitartez, orain egiten genuena profesionalizatzeko”.

Azken urteetako ibilbide arrakastatsu horri esker, erronka berriei aurre egiteko garaia iritsi da eta Esneki Zentroa da horren adibiderik argiena.

HAZI Fundazioa eta Eusko Jaurlaritzarekin elkarlanean eratu da eta, aholkularitza tekniko aurreratua, formazio espezializatua, berrikuntza proiektuen garapena eta beste hainbat zerbitzu eskainiko ditu Leartikerrek, elikagaien segurtasuna oinarri hartuta.

Esneki Zentroak eskaintza integrala eskainiko die sektoreko ekoizle eta ekintzaileei, ondorengo zerbitzuen bitartez:

Dibertsifikazio proiektuen garapena
Ekintzailetza
Aholkularitza teknologikoa
Formazio espezializatua (HAZI eta Academie MonS-ekin hitzarmena)
Kalitate kontrola, segurtasuna eta analisi sentsorialak
Afinazioa
Merkaturatzea (Academie MonS-ekin hitzarmena)
Gastronomia
Difusio ekintzak

Esneki sektorean lanean dabiltzan eta sektoreko erreferente diren entitateen arteko koordinazioa eta kolaborazioak Esneki Zentro berri honen oinarria dira. Zerbitzu eraginkor bat eskaintzeko, dibertsifikatzeko, balio kate osoko zerbitzuak ahalbidetzeko eta produktu berriak garatzeko, diseinu eta ekoizpenetik hasi eta merkaturatu arte.