TUlankide MONDRAGON

Enpresagintza Fakultateak "Ikaskuntza Kultura Berriaren alde" manifestua bultzatu du

2020/05/07

Beste hainbat erakundeekin garatu den manifestuak gertatzen ari denari buruz eta etortzear dagoenari buruz hausnartzera animatzen du.
Enpresagintza Fakultateak "Ikaskuntza Kultura Berriaren alde" manifestua bultzatu du
Manifestuaren bitartez erakundeetan ikaskuntza-kultura garatzearen garrantzia aipatzen da, COVID19ak eragindako krisiari aurre egiteko eta krisitik ateratzeko palanka gisa.

Hainbat erakundetako 5 pertsonak osatutako taldea izan da Manifestu honen sustatzailea: Oscar Dalmau (Unio Consorci Formació - Unió Catalana Hospitals/Consorci Salut i Social Catalunya), Jesus Martínez Marin (CEJFE - Departament de Justica - Generalitat de Catalunya), Javier Martinez Aldanondo (Knowledge Works), Joaquim Carbonell de neos eta José Luis Alonso Andreano (Mondragon Unibertsitatea - Enpresagintza Fakultatea). Talde sustatzaile honek beste 20 laguneko sare baten laguntza izan du, besteak beste, Mondragon Unibertsitateko Enpresagintza Fakultateko Mariangélica Martínez eta Julen Iturbe ere izan direlarik.

Bigarren fasean, beste 60 pertsonek, guztiak zuzendaritzakoak, esparru publiko eta pribatukoak, edo hainbat erakundetan erantzukizuna dutenak, azken dokumentuan lagundu dute. Dokumentu hori www.culturaprendizaje.org aurkitu daiteke sinatzeko prest.

Irabazi-asmorik gabeko ekimen honek, Creative Commons lizentzia duena eta edonorentzat eskuragarri dagoenak, bereziki zuzendaritza-erantzukizuna duten pertsonei laguntzea helburu duten printzipio inspiratzaile batzuk biltzen ditu, bai pertsonen kudeaketarekin zuzenean lotuta, baina baita, erantzukizun hori izan gabe, ikaskuntzaren garrantzia erakundeen lehiakortasunerako eta pertsonen enplegagarritasunerako palanka garrantzitsuenetako bat dela ulertzen eta aitortzen dutenei ere.

Manifestuak erakundeak eta pertsonak gaur egun gertatzen ari denari buruz eta etortzear dagoenari buruz hausnartzera animatzen ditu, adimen kolektiboaren kapitalizazioaren eta ikaskuntza indibidual eta kolektiboaren bidez. Hausnarketa horrek, ikaskuntzaren lehen urrats gisa, erakunde arduratsuagoak izatea ahalbidetuko du, gizarteari balio handiagoa emango diotenak.

Aurreko guztirako, ezinbestekotzat jotzen da ikaskuntza errazten duten lidergoak izatea. Ikaskuntza hori erakundean eman behar da, esparru estrategiko baten barruan, pertsonei "ikasten, desikasten, berritzen, laguntzen eta talentu guztia garatzen" laguntzen diena.

Horrek guztiak ikaskuntza-ereduak sortzera eraman behar ditu erakundeak, "Pertsonengan zentratuak, teknologian oinarrituak eta sareko lana sustatzen dutenak, erakundeko funtsezko ezagutza kudeatzeko".

Alde horretatik, Mondragon Unibertsitateko Enpresagintza Fakultatea hainbat erakunderekin lanean ari da azken urteotan, antolakundeko ikaskuntza-ekosistemak diseinatu, garatu eta ezartzeko, nahi den ikaskuntza-kultura nahiz erakunde bakoitzaren ezaugarriekin bat datorren estrategia garatzeko.

Honako bideo honetan José Luis Alonsok azaltzen ditu proiektuaren zehaztasunak:

https://youtu.be/jCiHMcX0UD4

 

Eguraldia
Astelehena 3 Min: 14
Max: 22
Asteartea 4 Min: 14
Max: 23
Asteazkena 5 Min: 13
Max: 30
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak