Irakurriena
- 1. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 2. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 3. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 4. 74ko sortzaileei omenaldia egin diete Aurrenak kooperatiban
- 5. Mende erdiko lerroa abestiaren bideoklipa estreinatu du Ikerlanek bere 50. urteurrena ospatzeko
- 6. EduRobotic Synthesis eta WinnBot taldeak izan dira FLL Euskadi-MONDRAGON torneoko irabazleak
- 7. MONDRAGON Healtheko komunikazio taldea Osartenen bildu da
- 8. Mondragon Goi Eskola Politeknikoak Amazoneko langileak trebatuko ditu
- 9. Iñigo Urkullu lehendakariak Lortek bisitatu du
- 10. Kide izango da Ondarroako arraun taldearen babesle nagusia hurrengo hiru denboraldietan
Emakumeen XIII. Gabonetako Futbol Txapelketa abenduaren 29an eta 30ean Aretxabaletan
Kirol egitasmo bat baino aldarrikapen ekintza bilakatu da Arizmendi Ikastolak hamahirugarren urtez antolatzen duen Gabonetako futbol txapelketa. Aldarrikapena bi zentzutan gainera, kirol eta jarduera fisikoaren aldekoa eta, nola ez, emakumeen kirolaren sustapenaren aldekoa. Aurtengo edizioaren aurkezpenean Jon Zabala (Eibar), Gorka Gabilondo (Arizmendi Ikastola), Unai Busturia (Arizmendi Ikastola), Mikel Uribetxebarria (Aretxabaletako Udala) eta Garbiñe Etxebarria (Real Sociedad) izan ziren, eta guztiek goraipatu zuten Emakumeen Gabonetako Futbol Txapelketa.
"Arizmendiren helburua emakumeen kirola sustatzea bada ere, jarduera fisikoaren sustapena da erronka nagusia", adierazi zuen Arizmendi Ikastolaren izenean Gorka Gabilondok. Datuak ere eman zituen, gaur egun emakumeen kirolaren argazki fiela. "Futbolean 71 neska ditugu, igeriketan 29 eta boleibolean 51".
Aretxabaletako Udalaren izenean Mikel Uribetxebarriak eskerrak eman zizkien antolatzaileei, "kirolaren balioak sustatzen dituzue, errespetua eta berdintasunaren balioak hain justu ere, eta Aretxabaletako Udala erabat lerrotuta dago helburu horiekin".
Real Sociedad, hasieratik bidelagun
Lehenengo edizioa jokatu zenetik, Realak bat egin du Gabonetako txapelketarekin, hutsik egin gabe, eta aurten ere Aretxabaletara gerturatuko dira abenduaren 30ean. "Duela 13 urte ez zegoen horrelako txapelketarik eta Arizmendik egindako apustua oso inportantea izan zen guztiontzat, eta bereziki emakumeen futbola bultzatzen ari ginenentzat", adierazi zuen Garbiñe Etxebarriak Realaren izenean.
Abenduaren 29an alebinak, infantilak eta kadeteak
Txapelketa abenduaren 29an hasiko da, alebin, infantil eta kadeteekin. Besteak beste, Leintz-Arizmendi, Tolosa, Anaitasuna, Aloña-Mendi, Real Sociedad, Urki eta Goierri Gorri taldeek esku-hartuko dute egun osoan zehar jokatuko diren kategoria ezberdinetako txapelketetan. Abenduaren 30ean, berriz, seniorren txanda izango da. Aurten, Real Sociedad, Eibar eta Leintz-Arizmendi taldeak arituko dira nor baino nor txapelaren bila.