Irakurriena
- 1. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 2. Yolanda Diaz Lan eta Gizarte Ekonomia ministroa Coprecin egon da
- 3. MSI Taldeak urteko ETE industrial onenaren saria jaso du
- 4. 20 urteko ibilbide arrakastatsua ospatu du Gerodan kooperatibak
- 5. MONDRAGONeko Pertsonen Foroa egin zen Kursaalen
- 6. LagunArok 2024 ona itxi du eta sendotasunez begiratzen die etorkizuneko erronkei
Doktoregaien Jardunaldia 2022
"Transformazio garaia bizi dugu, eta Ikerlanek erantzun behar dio sasoi konplexu bezain erakargarriari. Erronka ugari ditugu, eta bereziki erronka horiei erantzun beharko diezue", adierazi zien Jon Etxeberriak doktoregaiei. Ikerlaneko zuzendari nagusiak eman zion hasiera Doktoregaien Jardunaldiaren seigarren edizioari, Ikerlanen garatzen diren doktore tesiak bertatik bertara ezagutzeko egun haundiari.
Ehundik gora gazte batu ziren Ikerlanek Alecop-eko instalazioetan zaharberritu duen espazioan. Ekitaldiari Etxeberriak eman zion hasiera eta ondoren Marta Torregrosaren hitzaldia izan zen. ‘Doktore tesia era arrakastatsuan egiteko 10 gakoak’ azaldu zituen Nafarroako Unibertsitateko ikerlari, doktore eta irakasleak.
Ikerlanen garatzen diren doktore tesiak bertatik bertara ezagutzeko egun haundia da Doktoregaien Jardunaldia
Corner Session
Ekitaldian Corner Session bat ere izan zen. Hala, doktoregaiek euren lana bertatik bertara aurkezteko aukera izan zuten, 30etik gora proiektu. Seigarren edizioari amaiera emateko T3M lehiaketa egin zen, Tesiak 3 Minututan aurkezteko aukera izan zuten Ikerlanen tesiak garatu dituztenek, euren lanak hiru minututan defendatu zituzten, era arinean eta erakargarrian.