Bigarren Kooperatibagintza Topaketan Ignacio Ramonet protagonista

Ekainaren 20an, ostirala, egin zen Garaia Berrikuntza Gunean Kooperatibagintza Topaketaren bigarren edizioa. Lanki Ikertegiak, Mondragon Unibertsitateak eta Otalorako Zuzendari eta Kooperatiba Garapenerako Zentroak antolatuta. Kooperatiba ezberdinetako ia 60 lagunek esku hartu zuten egun osoko jardunaldian, goizez lan saio dinamikoa izan zuten eta arratsaldez, Ignacio Ramonetek eskainitako hitzaldia entzun ahal izan zuten: "Gizarte aldaketak eta kooperatibagintza' izenburupean gizarte pentsalari eta kazetariak bere ikuspegia eskaini zuen.
Card image cap
Ignacio Ramonet, Igor Ortega eta Ainara Udaondo
2014/06/23

LANKIko koordinatzaile eta kooperatibagintza arloko arduradun Ainara Udaondok eman zion hasiera lan-jardunaldiari. Ondoren LANKI ikertegiko Igor Ortegak hartu zuen hitza. Ortegak "Arrasateko kooperatibagintzaren bidegurutzeak eta desafioak. Protagonistekin gogoeta sintesia" lanaren emaitza batzuk aurreratu zizkien bertaratutakoei. Egungo egoera konplexua eta etorkizuna izan zituen hizpide LANKIko kideak eta hainbat hausnarketa konpartitu zituen kooperatibetako ordezkariekin.

Kooperatibagintza Topaketa II

Taldekako dinamikan askotariko gaiak jorratu zituzten, besteak beste, elkartasuna eta interkooperazioa, artikulazio kooperatiboa, lidergoa eta kultura kooperatiboa izan zituzten aintzat. Mahai ezberdinetan dinamika dotorea sortu zen eta taldeek ekarpen ugari egin zituzten.

Kooperatibagintza Topaketa II

Ordezkaritza dotorea izan zen Kooperatibagintza Topaketaren bigarren edizioan: Fagor Ederlan, DanobatGroup, Mondragon Unibertsitatea, Fagor Taldea, Arizmendi Ikastola, Mundukide, Ausolan, Goiti, Fagor Automation, Ulma Eraikuntzak, Fagor Industrial, Arizmendiarrietaren Lagunak Elkartea, LKS, Eroski, Ikerlan, Fagor Arrasate eta Fagor Elektronikako ordezkariak izan ziren ekitaldian, guztira ia 60 lagun.

Kooperatibagintza Topaketa II

Ignacio Ramonet, arratsaldean

Arratsaldean, Le monde diplomatique aldizkari ospetsuko Espainiako bertsioko zuzendari Ignacio Ramonetek hitzaldia eskaini zuen. 'Gizarte aldaketak eta kooperatibagintza' izenburupean, Ramonet kazetari eta gizarte pentsalariak, gaur egungo egoeraren gaineko bere ikuspegia eskaini zuen. Era berean, kooperatibagintzaren argi ilunak ere aztertu zituzten.

Argazki guztiak: https://www.flickr.com/photos/60157444@N05

Irakaskuntza unibertsitate zentroa