Beste lau urterako MUko errektore izendatu dute Iosu Zabala

Aurretik egin duen "lan bikaina" aitortuz eta unibertsitatea zuzentzeko pertsona egokiena bera dela uste dutelako berretsi dute karguan Zabala. Mondragon Unibertsitatearen estatutuen arabera, lau urtean behin berritu behar kargua errektore.

Josu Zabalak 58 urte ditu, ezkondua da eta hiru alaba ditu. Donostian Ingeniaritza ikasketak egin zituen eta Tolosako (Frantzia) Paul Sabatier Unibertsitatean amaitu zituen ikasketak. Elektronika, Elektroteknia eta Automatika doktoretzak ere lortu zituen unibertsitate berean.

Teknologiaren, ikerketaren eta kudeaketaren eremuetan lan egin du. Horrela, Errobotika Sailaren arduradun (1978-85) eta Diseinu eta Ekoizpen Teknologien Sailaren zuzendari (1986-99) izan zen Ikerlan Zentro Teknologikoan. Horren ostean, Fagor Etxetresnak enpresan aritu zen, Hotz eta Egoste Negozioetako kudeatzaile gisa.