Arizmendiarrieta eguna 2023

ALEk (Arizmendiarrietaren Lagunak Elkartea) antolatuta, azaroaren 22an egingo da, asteazken honetan, eta ekitaldian Gurutz Linazasoro neurologoak eta Apurva San Juan, Lup enpresako ko-sortzaileak parte hartuko dute.

2023/11/20

Arizmendiarrieta eguna Goi Eskola Politeknikoko (Mondragon Unibertsitatea) 6211 eta 6212 gelatan egingo da, 18:30tik aurrera. Jardunaldian bi hitzaldi interesgarri entzuteko aukera izango da, batetik Gurutz Linazasoro neurologoak eskainiko duena. 'Zahartzearen erronka' izenburupean, Gipuzkoako Poliklinikoan Parkinson eta Alzheimer gaitzen Terapia Aurreratuen Programako zuzendariak gako ugari argitzen saiatuko da.

Eta bigarren hitzaldia LUP proiektuaren ko-sortzaileak eskainiko du. "Belaunaldiartekotasunaren gakoak ekintzailetzan" izango da Apurvaren hitzaldiaren izenburua.

Eta bigarren hitzaldia LUP proiektuaren ko-sortzaileak eskainiko du. "Belaunaldiartekotasunaren gakoak ekintzailetzan" izango da Apurvaren hitzaldiaren izenburua

Aipatu beharra dago Arizmendiarrieta Mondragoneko Esperientzia Kooperatiboaren bultzatzaile eta alma mater izan zela. 61 urterekin zendu zen, 1976ko azaroaren 29an, eta urtero efemeridea gogorarazteko egiten da honako ekitaldia.