Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
“Estatu osorako txertoak banatzeko eta biltegiratzeko gaitasuna du Bexen Medical-ek”.
Iritsi dira jada Bexen medical-ek Hernanin dituen kudeaketa eta biltegiratze instalazioetara Covid-19aren kontrako txertoen aurreneko 16 mila dosiak. MONDRAGON Korporazioaren barne dagoen kooperatibak bere instalazioen ezaugarrien berri eman nahi izan du. 30 milioi dosi biltegiratzeko gaitasuna izango du Bexen medical enpresak Hernani, Santiago eta Madrilgo egoitzetan. Hala, txertoa erabiltzen den bitartean jarraitu behar duen mantentze prozesua bermatzen du Bexenek.
Hernanin, gizakien erabilerarako botiken biltegiratze baimendua du Bexenek, guztira 10 ultra-izozkailu ditu 10 milioi dosi biltegiratzeko gaitasunarekin, eta urtarrilaren amaierarako beste 20 ultra-izozkailu instalatuko dituzte. Stirling marka amerikarreko ultra-izozkailuak dira, oso bereziak, hotzaren maila egokitzeko gai direnak, -20 gradu zentigradotik -80ra.
Hernanin guztira 10 ultra-izozkailu ditu 10 milioi dosi biltegiratzeko gaitasunarekin, eta urtarrilaren amaierarako beste 20 ultra-izozkailu instalatuko dituzte.
Horrela, aukera du Bexen medicalek bai Pfizer etxeko dosiak kontserbatzeko (-80 gradura) eta baita Modernakoak kontserbatzeko ere (-20ra). Bexen medical, era horretan, biltegiratze eta banaketa baldintza egokienak eskaintzen dituen enpresa bilakatu da, edozein txerto kontserbatzeko aukera eskaintzen baitu, sei hilabeteko bermea eskainiz.
Trazabilitatea eta segurtasuna
Txertoen trazabilitatea ere oso garrantzitsua da, hala ezinbestekoa da jakitea non eta zein egoeratan aurkitzen den txertoa uneoro eta Bexen mendicalek monitorizazio aukera eskaintzen du uneoro jakiteko txertoaren tenperatura eta kokapena.
Era berean, segurtasun eta bermea erabatekoa izateko, ultra-izozkailuak martxan mantentzeko moduko talde elektrogenoa eskaintzen du, bost egunetarako, eta baita suteen kontrako sistema ere. Hori guztia, segurtasun handiko instalazioetan, bideo bigilantziarekin eta segurtasunera bideratutako pertsonalarekin.