MONDRAGON Zentro Korporatiboa ere EUSKARALDIArekin bat

Covid-19ak asko baldintzatu duen urte honetan, Zentro Korporatiboak eutsi egin dio euskararen bideari, hala nola, ahozko erabilera orokorrak (%46) lau puntu hobetu du iazkoa eta leialtasuna %66an finkatu da. Zentro Korporatiboko lankideek argi dute, eginikoa asko izanda ere, hobetzekoak asko direla, eta harrotasuna adierazten dute aurten lortutako zenbait markekin: Ezohiko Batzar Nagusian ahoz %75 egin zen euskaraz eta Batzar Nagusian %100. Gainera, ezin ahaztu Zentro Korporatiboaren inplikazioa Kongresuan ahozkoa %97 izateko.  

Halaber, COVID-19aren eragozpenak eragozpen, aurtengo aurreikusitako egitasmoei eustea erabaki zuen Mondragonek, besteak beste Bikainera aurkeztea. Aurreko astean ebaluatzaileen bisita telematikoa izan ondoren, ebaluazioaren zain daude orain Zentro Korporatiboko lankideak: hobetzen jarraitzeko prest.  

Argazkietan MONDRAGON Koop. E.-ko lankideak Arrasateko eta Aretxabaletako egoitzetan.