Bihar egingo da Bilbon MONDRAGON Foroaren edizio berri bat

400 pertsonak baino gehiagok parte hartuko dute biharko hitzorduan. MONDRAGONen ekosistemako kooperatibak, dibisioak eta eragileak elkartuko dira topaketa garrantzitsuan; ideiak, proiektuak eta aliantzak partekatzeko. Aurtengo edizioa  08:30ean hasiko da, Bilboko Euskalduna jauregian, eta 2025/2028 aldirako MONDRAGONen ibilbide-orriaren ardatz estrategikoak errepasatuko ditu.

Jardunaldian, adituen hitzaldiak, askotariko esperientzien aurkezpena eta kooperatiba guztientzat interesgarriak diren kudeaketa-gaiei buruzko lan-saioak izango dira

Foroak txosten eta hizlari inspiratzaileak, kasu praktikoak eta hainbat proiekturi buruzko adituen testigantzak izango ditu. Azken batean, elkarrekin ikasteko eta hausnartzeko aukera, joerak aurreratzekoa eta kooperatibentzat interesgarriak izan daitezkeen gauzak egiteko modu berriak deskubritzeko balioko du.

Leire Mugerza, Kongresuko presidentea, jardunaldiari hasiera emateaz arduratuko da, eta Pello Rodríguez, Kontseilu Nagusiko presidentea, aurtengo edizioaren amaieraz.