Orbeak promozio berezia jarri du abian MONDRAGONentzat

Bizikleten fabrikazioa

%45eko deskontua eskainiko die MONDRAGONeko komunitateko kideei zenbait bizikleta modelotan. Komunitatearekin, hurbiltasunarekin eta mugikortasun jasangarriarekin duen konpromiso partekatuan kokatzen du kanpaina Orbeak. Promozio berezia urtarrilaren 6ra arte egongo da aktibo eta hiru bizikleta modelo prezio oso murriztuan eskuratzeko aukera izango da: DIEM 10, 20 eta 30.

2025/12/12

Erosketa prozesua oso erraza da eta soilik webgunean erosten dutenek izango dute %45eko deskontua. Orbearen webgunean saioa hasi edo erregistratu, ES bertsioan zaudela ziurtatu, eBIKES Outlet atalean sartu eta DIEM aukeratu.

Hala, bizikleta aukeratu eta zure etxetik gertuen dagoen Orbeako banatzaile ofiziala hautatu. Ordainketa egin aurretik, DIEMMONDRAGON kodea sartu behar da.

MONDRAGONeko komunitatearen parte bazara, aipatu bizikleta bat eskuratu dezakezu webguneko prezio ofizialaren %45eko deskontuarekin

Ordainketa egin ondoren eta konfirmazioa edo berrespen-emaila jasota, bigarren email bat jasoko du erosleak bizikleta banatzaile ofizialaren etxera bidaltzen den unean. Banatzaileak bezeroari abisatuko dio bizkleta muntatuta dagoenean, gutxi gorabehera 48 ordu igarota.

MONDRAGONeko komunitatearen parte bazara, aipatu bizikleta bat eskuratu dezakezu webguneko prezio ofizialaren %45eko deskontuarekin.

Promozioaren baldintzak.