Irakurriena
- 1. Fagor Arrasatek HERPASAren ekoizpen-unitatea erosi du, altzairu herdoilgaitzezko deposituen espezialista
- 2. Orbea saritua izan da 2026ko Euskadi GJHen sarietan
- 3. Ruben Gabilondo, Orbeako presidentea: “Orbeako urte onenetako batzuk bizitzea tokatu zait”
- 4. Bazkide eta birkokatuentzako birkualifikazio programa amaitu du Fagor Ederlanek
- 5. Arizmendiarrieta Gunea zabalik da Otaloran
- 6. Eroski Taldeak 17,8 milioi euroko emaitza positiboa izan du 2026ko lehen hiruhilekoan
MONDRAGON Gizarte Ekonomiari buruzko Europako Goi Bileran
European Social Economy Summit (#EUSES) gizarte-berrikuntzari eta ekintzailetzari buruzko goi-mailako konferentzia bat da, Europako Batzordeak eta Alemaniako Mannheim hiriak elkarlanean antolatua. MONDRAGON Korporazioak maila gorenean parte hartu du aurtengo edizioan. Goi-bileraren helburua da gizarte-erronkei buruzko kontzientzia sortzea eta jatorri desberdinetako pertsonak inspiratzea gizarteari hainbat modutan mesede egingo dioten ekimen berritzaileak elkarlanean susta ditzaten.
Korporazioko hizlarietako lehena Ander Etxebarria izan zen, Hedapen Kooperatiboko arduraduna, MONDRAGONek Covid-19ko krisiaren aurrean taldeak emandako erantzunari buruzko azalpen batekin; eta bigarrena, Ibon Antero, Eraldaketa Sozialeko arduraduna, iraunkortasunaren erronkei buruzko mahai-inguru batean parte hartu zuena.
Azkenik, Iñigo Ucinek, MONDRAGONeko presidenteak, esan zuen Korporazioa lankidetzan ari dela gizarte-ekonomiaren arloko eragileekin, hala nola Espainiako Gizarte Ekonomiako Enpresarien Konfederazioarekin, Europako Next Generation berreskuratze-funtsen promesa gauzatzeko.
