PPC Technologies eta Compresion TN MONDRAGON Ventures Foundry Awards sarien lehen edizioko irabazle nagusiak

Mondragon Unibertsitateko ingenieritza fakultatea

Centro tecnológico especializado en: • Tecnologías de unión. • Fabricación Aditiva de Metales. • Inspección y Ensayos no Destructivos (END). • Fabricación Inteligente e Industry 4.0.

Ezagutza eta teknologia transferentzian espezializatutako Zentro Teknologikoa, osasuna, elikadura eta garraio jasangarria arloetan.

Makina erreminta eta fabrikazio teknologien zentro teknologikoa

Ikerketa zentro teknologikoa

Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.

Arrasateko Garaia Parke Teknologikoak MONDRAGON Ventures Foundry Awards sarien lehen edizioa hartu zuen joan den ostiralean, irailaren 25ean. Guztira 13 proiektu bildu dituen ekimen honen helburua da MONDRAGONen ekosisteman jaiotako teknologia aktiboak identifikatzea eta etorkizuneko enpresa kooperatibo (startup eta spin-off industrialak) bihurtzeko bidea azkartzea.

2026/09/28

Sari nagusiek oinarri teknologikoko kooperatiba berriak bihurtzeko potentzial handiena duten proiektuak aitortu zituzten. Bi irabazleek lau hilabeteko azelerazio programa espezializatu bat jasoko dute, 50.000na euroko balioarekin (100.000 euro orotara), negozio eredua, finantzaketa, teknologia transferentzia edo etorkizuneko NewCoop baten sorrera lantzeko adituen laguntzarekin:

Industrial Impact Award

Mondragon Goi Eskola Politeknikoko Potentzia-sistema elektronikoen taldeko PPC Technologies proiektuak jaso zuen saria, Manu Ayerdiren eskutik. Adimen Artifizialeko datu zentroen eraginkortasun energetikoa nabarmen hobetuz industria inpaktu handia sortzeko eta negozio kooperatibo berria sortzeko duen ahalmenagatik saritu zuten.

Disruptive Innovation Award

Lortek zentroko Compresion TN proiektuari eman zion saria Vicente Atxak. Teknologia kuantikoan inspiratutako aktibo hau merkatu industrial berriak sortzeko eta Euskadik arlo honetan duen lidergoa aprobetxatuz lehiakortasuna eraldatzeko duen gaitasunagatik nabarmendu da.

Aipamen bereziak eta txosten espezializatuak

Sari nagusiez gain, etorkizun handiko teknologiak garatzen ari diren beste lau proiektuk Promising Technologies aipamen berezia jaso zuten:

Bioblue (Leartiker): Jasangarritasuna eta material berriak uztartzen dituen proiektua, arrantza-operadore handiekin garatzeko potentziala duena.
ETC Technologies (MGEP): Sare elektrikoen azpiegitura kritikoa modernizatzeko eta hornidura elektrikoari egonkortasuna emateko soluzioa.
Koopai (Ikerlan): Datu-zentroak optimizatzeko proiektua, GPUen lan-kargak hobeto bideratuz eta Europako burujabetza digitalarekin bat eginez.
Estio (Ideko): Lan-baldintzak eta industria-produktibitatea hobetzeko gaitasuna duen teknologia berritzailea.

"Zientziatik enpresara" izeneko mahai-ingurua ere egin zen. Bertan, oinarri teknologikoko hiru enpresa arrakastatsuren esperientziak ezagutu ziren Jone Meabe (Orbik Cybersecurity), Javier Ramos (BIOBEE Semiconductors) eta Juan Gumuzioren (HAWK Biosystems) eskutik, Iñigo Martínek (Ikerlan) moderatuta.