Zeintzuk dira LagunAroren osasun-estaldurak oporretan?

LagunAroren zerbitzua 24 orduz dago martxan munduko herrialde guztietan, astean 7 egunez, baldin eta egonaldia hiru hilabete edo gutxiagokoa bada.

Zer egin behar dugu bidaia egin aurretik?

Amaia Olabidek dioenez, LagunAroko osasun-laguntzako txartelarekin batera, funtsezkoa da indarrean dagoen Europako Osasun Txartela eramatea, klinika- eta ospitale-sare zabal baterako sarbidea errazten baitu.

Nola jokatu larrialdi batean?

Helmugara iritsitakoan, laguntza medikoa behar izanez gero, jarri harremanetan IMA Ibéricarekin.

• Harremanetarako telefonoa: IMA Iberica Laguntza: (0034 ) 913 833 066

Harremanetan jartzerik ez badago, edozein zentro mediko aukeratu ahal izango da eta IMA Ibéricari gastuak itzultzeko eskatu, posta elektronikoz.

• Helbide elektronikoa: imamedico@imaiberica.es 

Zein dira laguntza honen estaldurak eta salbuespenak?

LagunAroko zerbitzu medikoen katalogoko estaldura eta salbuespen berak ditu. Hori dela eta, ez da sartzen trafiko istripuek, kirol federatuak eta/edo arrisku handikoak eragindako osasun laguntza, hirugarren arduradun batzuk daudenean edo COVIDek emandako laguntza.

Hegazkin-konpainiek edo atzerriko herrialdeek edozein joan-etorri egin aurretik hirugarrenek eskatzen dituzten COVID proba diagnostikoak ere ez daude estalita.