TU Lankidek hirukoiztu ditu abuztuko audientzia datuak

Nahiz eta abuztua opor hilabetea izan, gure kooperatiben gaurkotasunaren erreferentzia izaten jarraitu du tulankide.com webak. Azken hilabetean agerkari digitalak erregistratu dituen erabiltzaile- eta saio-kopuruak argi eta garbi adierazten du hori. Izan ere, 17.900 erabiltzailek bisitatu dute gunea eta guztia 20.900 saio inguru erregistratu dira.

Argitaratutako edukia handia eta askotarikoa izan da: notiziak, bideoak, elkarrizketak… gure kooperatibetako errealitatearen lekuko: Laboral Kutxako emaitzak, Korporazioak Euskaraldiarekin bat egitea, Mondragon Unibertsitatearen hezkuntza eredua, Orbeako elkarrizketa… Hauek guztiek izan dituzte datu positiboak eta horien artean bisita gehien jaso duen albistea hauxe izan da: Eroskik Covid-19aren birusa ez-aktibo uzten duen lehen maskara saltzen du.

Eskerrik asko TU lankide erreferente bihurtu duzuen erabiltzaile eta bisitari guztiei!