Otalorak bere nortasuna indartu du, itxuraz eta edukiz

Otalora, MONDRAGON Korporazio Zentroaren Gestio Sozialeko sailean kokatzen da. Eta 2017-2020 plan estrategikoari begira, lau arlotan finkatzen du bere jarduera: kooperatibei laguntza eskaini kultura eraikitzaileak garatzeko, zein pertsona eta ekipoen garapena bultzatzeko; organu sozialek dituzten funtzioetan laguntzera bideratzen diren ekintzak, eta bazkide guztiek partekatzen dituzten baloreak, printzipioak eta egiturari buruzko ezagutza sustatzeko ekintzak; interkooperazioaren sustapen ekintza, Praktiken Komunitatearen bitartez; eta eredu kooperatiboa ezagutzeko emateko jarduera.

Gune berriak

Modu honetan, aipatutako jarduera hauek indartsu bultzatzeko, Otalorak gune fisikoa ere egokitu eta modernizatu du. "Kooperatiba askok erabiltzen dute Otalora barne formazioa egiteko, organo sozialen formakuntzarako, eta mota ezberdinetako saioak martxan jartzeko. Somatzen den behar horri erantzuten, gelak egokitu ditugu, erakargarriagoak eta praktikoagoak bihurtuz." dio Javi Santos, Otalorako Kudeaketa arduradunak.