Fagor Arrasatek eta Onapresek antolatutako ate irekien jardunaldietara automozio arloko ordezkaritza zabala etorriko da

Industria

Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.

Automozio eta estanpazio arloetako 50 ekoizle baino gehiagok dagoeneko konfirmatu dute Fagor Arrasatek eta Onapresek antolatutako ate irekien jardunaldietan izango direla. Datorren aste osoan egingo dira ate irekiak eta balioko dute Fagor Arrasateten eta Onapresen produktu berriak aurkezteko.

2013/01/18

Makina erremintaren arloan izandako berrikuntzak aurkezteko balioko du datorren astean Fagor Arrasaten eta Onapresen egingo diren ate irekien jardunaldiak. Izan ere, azken boladan, Mondragoeko kooperatibak instalazio konplexuak egin ditu arlo honetan, batez ere Alemanian. Besteak beste, estanpazioko FlexCell sistema berria aurkeztuko du Fagor Arrasatek, alegia, produktibitatea areagotu eta kostuak murrizten dituen sistema berria.

FlexCell sistema

FlexCell sistemak instalazio bakarrean bi lan egiteko aukera eskaintzen du. Transfer erako prentsak, bata bestearen alboan jarrita, osatzen dute instalazio iraultzailea.

Bisitaldian, gonbidatuek ikusi ahal izango dute nola funtzionatzen duen sistema berriak, Fagor Arrasatek Volkswagen etxearentzat eginiko proiektu baten bitartez.

Onapres, Zamudion

Era berean, ate irekien jardunaldiak aprobetxatuz, gonbidatuek Onapres kooperatibak Zamudion duen lantokia bisitatzeko aukera izango dute.

Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.