Nola hasi dute ikasturte berria MONDRAGONeko ikastetxeek?

Normaltasunera itzultzeko testuinguru berri batean, osasun-larrialdiko egoera eta murrizketa gehienak bertan behera dauden honetan, aldizkariaren zenbaki berriak MONDRAGONeko hezkuntza-eskaintzan jartzen du arreta.

Bere lau zentroek, Arizmendi Ikastola, Lea Artibai ikastetxea, Politeknika Txorierri Ikastegia eta Mondragon Unibertsitateak, 20.000 lagun formatzen dituzte urtero, 1.300 langile ari dira eta euskal hezkuntza-sarearen funtsezko pieza dira, gaur egun.

Ikasturteari hasiera nola eman dioten, ikastetxe bakoitzaren formazio eskaintza, beraien ezaugarri bereizgarriak eta etorkizunerako planteatzen dituzten erronkak jaso dira aldizkarian.

Gainerako ataletan, irailaren hasieran Munichen egin zen Mugikortasunaren Nazioarteko Azokari buruzko erreportajea nabarmendu behar da, baita beste kolaborazio batzuk ere: aro digitala, absentismoa, finantza jasangarriak eta beste gai batzuk aztertuz.

Elkarrizketen atalean, Uxue Alberdi bertsolari eta idazleak bere alderdi bikoitzari buruz hitz egiten du; Koldo Ortuetak Cikautxo-Errumaniako zuzendari gisa duen esperientziari buruz; Igor Ortegak argitaratu berri duen tesiaren ildo nagusia garatu du; Abel Irizarrek arreta berezia jarri du enpresetako euskarari buruzko diskurtsoan; eta Ion Etxeberriak Ikerlanen etorkizuneko ildo estrategikoak azaldu ditu.

Kontsultatu aldizkaria hemen: https://www.tulankide.com/es/revista