Nerea Aranguren enpresa mailako erreferente gisa aitortua izan da Aspegi 2024 Sarietan

Gipuzkoako Profesional eta Enpresarien Elkarteak ASPEGI 2024 sarien irabazleak iragarri ditu gaur. Sari horiek emakumeen ibilbide profesional nabarmena eta emakumeek lurraldeko ekonomiari egindako ekarpena aitortzen dituzte. Aurten, bederatzigarren edizioko sariak Danobatgroupeko Berrikuntza Zuzendari Nerea Arangureni eman zaio, zuzendari/profesional kategorian, eta Iñaki Bereziartua enpresako bazkide Pilar Mitxelena Escuderori enpresari kategorian.

Nerea Ibañez Garcia ASPEGIko presidenteak nabarmendu duenez, sari horiekin, elkarteak Gipuzkoako zuzendarien, profesionalen eta enpresarien lan errealitatea ikusarazi nahi du, emakumeen eta gizonen arteko berdintasun handiagoa sustatuta enpresen eta profesionalen ingurunean.

Testuinguru horretan, ASPEGIko presidenteak Arangurenen lan konpetentzia eta izaera berritzailea goraipatu ditu, eta haren proaktibitatea azpimarratu du, emakumeentzat berebiziko garrantzia duen papera proiektatzen baitu industrian. Gainera, aitorpen honek bere lidergo eredugarria azpimarratzen du, eredu baita bai emakumeen papera agerian uzten duten ekimenak gidatzen, bai zentroko ikertzaileak eta profesionalak etengabe bultzatzen, eta horrek Zuzendari/Profesional kategorian sariaren merezidun izatea egiten du. 

Bestalde, Nerea Arangurenek azaldu duenez, "Sari hau taldeko pertsona guztientzat da, guztion ahalegin eta lanarekin kolektibotzat jotzen ditudan horrelako lorpenak posible egiten baititugu. Era berean, emakumeak enpresa arloan egiten duen ekarpen integralari ere balioa eman nahiko nioke, berdintasunaren eta emakumeen talentuaren onarpenaren aldeko funtsezko urratsa baita. Sari hau berdintasuna sustatzen duen lan ingurunerantz aurrera egiteko taldean egiten dugun ahaleginaren testigantza da, eta aurrera jarraitzeko gehiago ahalegintzeko eta aldaketa gidatzen jarraitzeko bultzada ere bada.”

ASPEGI 2024 sarien banaketa ofiziala otsailaren 22an izango da Donostiako Aquariumean.