Sektore elektronikoko Muxunav startup-aren kapitalean sartu da Eika

MONDRAGON Korporazioko enpresa den Eikak jakitera eman berri du Muxunav Ingeniaritza nafarraren kapitalean sartu dela. Urteak daramatza hodeira konektatzeko, datuak sortzeko eta ustiatzeko gaitasuna duten interfaze grafikoen sistemak garatzen. Goi-aplikazioko soluzioak hainbat sektoretan, hala nola vendingean, publizitate dinamikoan eta merkataritza-lokaletan kobratzeko eta fakturatzeko sistema digitaletan (bai Ticket motakoak eta antzekoak).

Horrela, Eikak beste urrats bat egingo du bere berrikuntza irekiaren politikaren barruan, balio teknologiko eta estrategiko handiko lankidetzak ezarriko ditu konfiantza-maila gorenarekin, eta elkarrekiko hazkundearen aldeko apustu irmoa egingo du, ikuspegi eta proposamen partekatuak dituzten proiektuak sortuz.

Eikak beste urrats bat egingo du bere berrikuntza irekiaren politikaren barruan, balio teknologiko eta estrategiko handiko lankidetzak ezarriko ditu konfiantza-maila gorenarekin

“Eika-rekin egin dugun hitzarmenari esker, teknologiak eta gaitasun osagarriak izango ditugu, erronka berriei aurre egitea ahalbidetuko digutenak, handinahiagoak eta ilusionagarriagoak izango direnak, eta modu errentagarriago eta egokiagoan zehaztuko ditugunak” aipatu digu Antonio Torres-ek, Muxunav-eko zuzendari nagusiak.

Aitor Soria Eika-ko zuzendari nagusiaren hitzetan, “Muxunav-ekin elkarlanean aritzeak argi uzten du Eikak elektronika orokorrerako eta, bereziki, interfaze elektronikoetarako duen bokazio irmoa. Etxetresna elektrikoen sektoreko interfazeen (HMI) alorrean mundu osoan ezagunak gara eta, Muxunav-ekin egindako aliantza honek apustua indartzeko aukera ematen du, eskaintza teknologiko handiagoa eta aplikazio-eremu dibertsifikatuagoak dituzten proiektuetara iritsiz”.

Muxunav duela 10 urte sortu zen, eta ahalmen anitzeko interfaze grafikoen garapenean dihardu lanean

Muxunav duela 10 urte sortu zen, eta ahalmen anitzeko interfaze grafikoen garapenean dihardu lanean, hala nola, ogasuneko sailetara konektatutako tiketaren zuzeneko fakturazioa, vending-ekipoetan produktua hautatzeko retrofit-sistemak, publizitate-gailu grafiko interaktiboak, etab. Ingeniari elektronikoen eta komunikazio oso kualifikatuen ekipo bat du, bai eta merkatuko aukera handiak ere.